NITHYAM SONGSரோமர் 16
Tamil Bible (BSI 1957) • 27 verses
1கெங்கிரேயா ஊர் சபைக்கு ஊழியக்காரியாகிய நம்முடைய சகோதரி பெபேயாளை நீங்கள் கர்த்தருக்குள் பரிசுத்தவான்களுக்கேற்றபடி ஏற்றுக்கொண்டு,
Relatedஅப்போஸ்தலருடைய நடபடிகள் 18:18 · I தீமோத்தேயு 5:9-10 · I பேதுரு 1:22-23 · யாக்கோபு 2:15 · மத்தேயு 12:50 · I தீமோத்தேயு 5:2
2எந்தக் காரியத்தில் உங்கள் உதவி அவளுக்குத் தேவையாயிருக்கிறதோ அதிலே நீங்கள் அவளுக்கு உதவிசெய்யவேண்டுமென்று அவளை உங்களிடத்தில் ஒப்புவிக்கிறேன்; அவள் அநேகருக்கும் எனக்குங்கூட ஆதரவாயிருந்தவள்.
Relatedபிலிப்பியர் 2:29 · பிலிப்பியர் 1:27 · மத்தேயு 10:40-42 · ரோமர் 16:6 · ரோமர் 16:3-4 · எபேசியர் 5:3
3கிறிஸ்து இயேசுவுக்குள் என் உடன் வேலையாட்களாகிய பிரிஸ்கில்லாளையும் ஆக்கில்லாவையும் வாழ்த்துங்கள்.
Relatedஅப்போஸ்தலருடைய நடபடிகள் 18:26 · I கொரிந்தியர் 16:19 · II தீமோத்தேயு 4:19 · ரோமர் 16:9 · I கொரிந்தியர் 16:16 · அப்போஸ்தலருடைய நடபடிகள் 18:2-17
4அவர்கள் என் பிராணனுக்காகத் தங்கள் கழுத்தைக் கொடுத்தவர்கள்; அவர்களைப்பற்றி நான் மாத்திரமல்ல, புறஜாதியாரில் உண்டான சபையாரெல்லாரும் நன்றியறிதலுள்ளவர்களாயிருக்கிறார்கள்.
RelatedI யோவான் 3:16 · பிலிப்பியர் 2:30 · அப்போஸ்தலருடைய நடபடிகள் 16:5 · மீகா 2:3 · யோவான் 15:13 · I கொரிந்தியர் 16:1
5அவர்களுடைய வீட்டிலே கூடிவருகிற சபையையும் வாழ்த்துங்கள். அகாயாவிலே கிறிஸ்துவுக்கு முதற்பலனாகிய என் பிரியமான எப்பனெத்தை வாழ்த்துங்கள்.
Relatedகொலோசெயர் 4:15 · பிலேமோன் 1:2 · I கொரிந்தியர் 16:19 · I கொரிந்தியர் 16:15 · மத்தேயு 18:20 · ரோமர் 15:26
6எங்களுக்காக மிகவும் பிரயாசப்பட்ட மரியாளை வாழ்த்துங்கள்.
7அப்போஸ்தலருக்குள் பெயர்பெற்றவர்களும் எனக்கு முந்திக் கிறிஸ்துவுக்குள்ளானவர்களும் என் இனத்தாரும் என்னுடனேகூடக் காவலில் கட்டுண்டவர்களுமாயிருக்கிற அன்றோனீக்கையும் யூனியாவையும் வாழ்த்துங்கள்.
8கர்த்தருக்குள் எனக்குப் பிரியமான அம்பிலியாவை வாழ்த்துங்கள்.
9கிறிஸ்துவுக்குள் நம்மோடே உடன்வேலையாளாகிய உர்பானையும், என் பிரியமான ஸ்தாக்கியையும் வாழ்த்துங்கள்.
10கிறிஸ்துவுக்குள் உத்தமனாகிய அப்பெல்லேயை வாழ்த்துங்கள். அரிஸ்தொபூலுவின் வீட்டாரை வாழ்த்துங்கள்.
Relatedரோமர் 14:18 · உபாகமம் 8:2 · I பேதுரு 1:7 · II கொரிந்தியர் 8:22 · II கொரிந்தியர் 2:9 · I தீமோத்தேயு 3:10
11என் இனத்தானாகிய ஏரோதியோனை வாழ்த்துங்கள். நர்கீசுவின் வீட்டாரில் கர்த்தருக்குட்பட்டவர்களை வாழ்த்துங்கள்.
12கர்த்தருக்குள் பிரயாசப்படுகிற திரிபேனாளையும் திரிபோசாளையும் வாழ்த்துங்கள். கர்த்தருக்குள் மிகவும் பிரயாசப்பட்ட பிரியமான பெர்சியாளை வாழ்த்துங்கள்.
RelatedI தெசலோனிக்கேயர் 5:12-13 · எபிரெயர் 6:10-11 · I கொரிந்தியர் 15:58 · I கொரிந்தியர் 16:16 · கொலோசெயர் 4:12 · I தீமோத்தேயு 5:17-18
13கர்த்தருக்குள் தெரிந்துகொள்ளப்பட்ட ரூபையும், எனக்கும் தாயாகிய அவனுடைய தாயையும் வாழ்த்துங்கள்.
Relatedமாற்கு 15:21 · II யோவான் 1:1 · I தீமோத்தேயு 5:2 · யோவான் 15:16 · மத்தேயு 20:16 · II தெசலோனிக்கேயர் 2:13
14அசிங்கிரீத்துவையும், பிலெகோனையும், எர்மாவையும், பத்திரொபாவையும், எர்மேயையும், அவர்களோடிருக்கிற சகோதரரையும் வாழ்த்துங்கள்.
15பிலொலோகையும், யூலியாளையும், நேரேயையும், அவனுடைய சகோதரியையும், ஒலிம்பாவையும், அவர்களோடிருக்கிற பரிசுத்தவான்களெல்லாரையும் வாழ்த்துங்கள்.
16ஒருவரையொருவர் பரிசுத்த முத்தத்தோடு வாழ்த்துங்கள். கிறிஸ்துவின் சபையார் உங்களை வாழ்த்துகிறார்கள்.
RelatedI தெசலோனிக்கேயர் 5:26 · I கொரிந்தியர் 16:20 · II கொரிந்தியர் 13:12 · I பேதுரு 5:14 · அப்போஸ்தலருடைய நடபடிகள் 20:37
17அன்றியும் சகோதரரே, நீங்கள் கற்றுக்கொண்ட உபதேசத்திற்கு விரோதமாய்ப் பிரிவினைகளையும் இடறல்களையும் உண்டாக்குகிறவர்களைக்குறித்து எச்சரிக்கையாயிருந்து, அவர்களை விட்டு விலகவேண்டுமென்று உங்களுக்குப் புத்தி சொல்லுகிறேன்.
Relatedயூதா 1:19 · II தெசலோனிக்கேயர் 3:6 · I தீமோத்தேயு 6:3-5 · II தீமோத்தேயு 3:5 · கொலோசெயர் 2:8 · தீத்து 3:10
18அப்படிப்பட்டவர்கள் நம்முடைய கர்த்தராகிய இயேசுகிறிஸ்துவுக்கு ஊழியஞ்செய்யாமல் தங்கள் வயிற்றுக்கே ஊழியஞ்செய்து, நயவசனிப்பினாலும் இச்சகப்பேச்சினாலும், கபடில்லாதவர்களுடைய இருதயங்களை வஞ்சிக்கிறவர்களாயிருக்கிறார்கள்.
Relatedகொலோசெயர் 2:4 · மத்தேயு 7:15 · I தீமோத்தேயு 6:5 · மீகா 3:5 · பிலிப்பியர் 3:19 · II தீமோத்தேயு 3:2-6
19உங்கள் கீழ்ப்படிதல் யாவருக்கும் தெரியவந்திருக்கிறது. ஆகையால் உங்களைக்குறித்துச் சந்தோஷப்படுகிறேன்; ஆனாலும் நீங்கள் நன்மைக்கு ஞானிகளும் தீமைக்குப் பேதைகளுமாயிருக்கவேண்டுமென்று விரும்புகிறேன்.
Relatedமத்தேயு 10:16 · I கொரிந்தியர் 14:20 · யாக்கோபு 3:13-18 · பிலிப்பியர் 2:15 · ரோமர் 1:8 · பிலிப்பியர் 1:9
20சமாதானத்தின் தேவன் சீக்கிரமாய்ச் சாத்தானை உங்கள் கால்களின் கீழே நசுக்கிப்போடுவார். நம்முடைய கர்த்தராகிய இயேசுகிறிஸ்துவினுடைய கிருபை உங்களுடனேகூட இருப்பதாக. ஆமென்.
Relatedலூக்கா 10:19 · I யோவான் 3:8 · ஆதியாகமம் 3:15 · சகரியா 10:5 · மல்கியா 4:3 · வெளிப்படுத்தின விசேஷம் 12:10
21என் உடன்வேலையாளாகிய தீமோத்தேயும், என் இனத்தாராகிய லூகியும், யாசோனும், சொசிபத்தரும் உங்களை வாழ்த்துகிறார்கள்.
Relatedஅப்போஸ்தலருடைய நடபடிகள் 20:4 · அப்போஸ்தலருடைய நடபடிகள் 13:1 · அப்போஸ்தலருடைய நடபடிகள் 17:5 · ரோமர் 16:7 · ரோமர் 16:11 · I தெசலோனிக்கேயர் 3:2
22இந்த நிருபத்தை எழுதின தெர்தியுவாகிய நான் கர்த்தருக்குள் உங்களை வாழ்த்துகிறேன்.
23என்னையும் சபையனைத்தையும் உபசரித்துவருகிற காயு உங்களை வாழ்த்துகிறான். பட்டணத்து உக்கிராணக்காரனாகிய ஏரஸ்தும், சகோதரனாகிய குவர்த்தும் உங்களை வாழ்த்துகிறார்கள்.
Relatedஅப்போஸ்தலருடைய நடபடிகள் 19:22 · I கொரிந்தியர் 1:14 · II தீமோத்தேயு 4:20 · III யோவான் 1:1-6 · அப்போஸ்தலருடைய நடபடிகள் 20:4 · அப்போஸ்தலருடைய நடபடிகள் 19:29
24நம்முடைய கர்த்தராகிய இயேசுகிறிஸ்துவினுடைய கிருபை உங்கள் அனைவரோடுங்கூட இருப்பதாக. ஆமென்.
25ஆதிகாலமுதல் அடக்கமாயிருந்து, இப்பொழுது தீர்க்கதரிசன ஆகமங்களினாலே அநாதி தேவனுடைய கட்டளையின்படி வெளியரங்கமாக்கப்பட்டதும், சகல ஜாதிகளும் விசுவாசத்திற்குக் கீழ்ப்படியும்படிக்கு அவர்களுக்கு அறிவிக்கப்பட்டதுமாயிருக்கிற இரகசியத்தை வெளிப்படுத்துகிறதான,
RelatedI கொரிந்தியர் 2:7 · கொலோசெயர் 1:26-27 · ரோமர் 2:16 · எபேசியர் 1:9 · II தெசலோனிக்கேயர் 2:14 · எபேசியர் 3:9
26இயேசுகிறிஸ்துவைப்பற்றிய பிரசங்கமாகிய என் சுவிசேஷத்தின்படியே உங்களை ஸ்திரப்படுத்த வல்லவரும்,
27தாம் ஒருவரே ஞானமுள்ளவருமாயிருக்கிற தேவனுக்கு இயேசுகிறிஸ்துவின் மூலமாய் என்றென்றைக்கும் மகிமை உண்டாவதாக. ஆமென்.
📖 ரோமர்All 16 chapters of this book
📚 Whole Bible66 books • 1,189 chapters
💻 Church SoftwareOffline Bible + 16,337 songs — free
🎵 Tamil Christian Songs16,337 lyrics & chords
Translation: Tamil Old Version (BSI) — 1957, and the World English Bible (public domain).