NITHYAM SONGSI தீமோத்தேயு 1
Tamil Bible (BSI 1957) • 20 verses
1நம்முடைய இரட்சகராயிருக்கிற தேவனும், நம்முடைய நம்பிக்கையாயிருக்கிற கர்த்தராகிய இயேசுகிறிஸ்துவும் கட்டளையிட்டபடியே, இயேசுகிறிஸ்துவின் அப்போஸ்தலனாயிருக்கிற பவுல்,
Relatedதீத்து 1:3 · கொலோசெயர் 1:27 · அப்போஸ்தலருடைய நடபடிகள் 9:15 · யூதா 1:25 · கலாத்தியர் 1:1 · I பேதுரு 1:3
2விசுவாசத்தில் உத்தம குமாரனாகிய தீமோத்தேயுவுக்கு எழுதுகிறதாவது: நம்முடைய பிதாவாகிய தேவனாலும் நம்முடைய கர்த்தராகிய கிறிஸ்து இயேசுவினாலும் கிருபையும் இரக்கமும் சமாதானமும் உண்டாவதாக.
Relatedதீத்து 1:4 · II தீமோத்தேயு 1:2 · I கொரிந்தியர் 4:14-17 · பிலிப்பியர் 2:19-22 · அப்போஸ்தலருடைய நடபடிகள் 16:1-3 · ரோமர் 1:7
3வேற்றுமையான உபதேசங்களைப் போதியாதபடிக்கும், விசுவாசத்தினால் விளங்கும் தெய்வீக பக்திவிருத்திக்கு ஏதுவாயிராமல், தர்க்கங்களுக்கு ஏதுவாயிருக்கிற கட்டுக்கதைகளையும் முடிவில்லாத வம்சவரலாறுகளையும் கவனியாதபடிக்கும், நீ சிலருக்குக் கட்டளையிடும்பொருட்டாக,
RelatedI தீமோத்தேயு 6:3 · கலாத்தியர் 1:6-7 · II யோவான் 1:9-10 · தீத்து 1:9-11 · II யோவான் 1:7 · I தீமோத்தேயு 4:6
4நான் மக்கெதோனியாவுக்குப் போகும்போது, உன்னை எபேசு பட்டணத்திலிருக்க வேண்டிக்கொண்டபடியே செய்வாயாக.
RelatedI தீமோத்தேயு 4:7 · தீத்து 1:14 · தீத்து 3:9 · II தீமோத்தேயு 4:4 · II பேதுரு 1:16 · I தீமோத்தேயு 6:3-5
5கற்பனையின் பொருள் என்னவெனில், சுத்தமான இருதயத்திலும் நல்மனச்சாட்சியிலும் மாயமற்ற விசுவாசத்திலும் பிறக்கும் அன்பே.
RelatedI தீமோத்தேயு 1:19 · கலாத்தியர் 5:22 · II தீமோத்தேயு 2:22 · கலாத்தியர் 5:13-14 · II தீமோத்தேயு 1:5 · II தீமோத்தேயு 1:3
6இவைகளைச் சிலர் நோக்காமல் வீண்பேச்சுக்கு இடங்கொடுத்து விலகிப்போனார்கள்.
Relatedதீத்து 1:10 · II தீமோத்தேயு 2:23-24 · தீத்து 3:9 · I தீமோத்தேயு 6:20-21 · I தீமோத்தேயு 5:15 · II தீமோத்தேயு 2:18
7தாங்கள் சொல்லுகிறது இன்னதென்றும், தாங்கள் சாதிக்கிறது இன்னதென்றும் அறியாதிருந்தும், நியாயப்பிரமாண போதகராயிருக்க விரும்புகிறார்கள்.
Relatedரோமர் 1:22 · II பேதுரு 2:12 · I தீமோத்தேயு 6:4 · கலாத்தியர் 3:5 · கலாத்தியர் 5:3-4 · தீத்து 1:10-11
8ஒருவன் நியாயப்பிரமாணத்தை நியாயப்படி அநுசரித்தால், நியாயப்பிரமாணம் நல்லதென்று அறிந்திருக்கிறோம்.
Relatedரோமர் 7:12-13 · ரோமர் 7:16 · சங்கீதம் 19:7-10 · II தீமோத்தேயு 2:5 · கலாத்தியர் 3:21 · சங்கீதம் 119:127-128
9எங்களுக்குத் தெரிந்திருக்கிறபடி, நியாயப்பிரமாணம் நீதிமானுக்கு விதிக்கப்படாமல், அக்கிரமக்காரருக்கும், அடங்காதவர்களுக்கும், பக்தியில்லாதவர்களுக்கும், பாவிகளுக்கும், அசுத்தருக்கும், சீர்கெட்டவர்களுக்கும், தாய் தகப்பன்மாரை அடிக்கிறவர்களுக்கும், கொலைபாதகருக்கும்,
Relatedகலாத்தியர் 3:19 · I பேதுரு 4:18 · ரோமர் 5:20 · கலாத்தியர் 5:23 · கலாத்தியர் 3:10-14 · ரோமர் 6:14
10வேசிக்கள்ளருக்கும், ஆண்புணர்ச்சிக்காரருக்கும், மனுஷரைத் திருடுகிறவர்களுக்கும், பொய்யருக்கும், பொய்யாணை இடுகிறவர்களுக்கும்,
RelatedI கொரிந்தியர் 6:9-10 · லேவியராகமம் 18:22 · II தீமோத்தேயு 4:3 · ரோமர் 1:26 · கலாத்தியர் 5:19-21 · வெளிப்படுத்தின விசேஷம் 21:27
11நித்தியானந்த தேவனுடைய மகிமையான சுவிசேஷத்தின்படி எனக்கு ஒப்புவிக்கப்பட்டிருக்கிற ஆரோக்கியமான உபதேசத்திற்கு எதிரிடையாயிருக்கிற மற்றெந்தச் செய்கைக்கும் விரோதமாய் விதிக்கப்பட்டிருக்கிறது.
Relatedதீத்து 1:3 · கலாத்தியர் 2:7 · I தீமோத்தேயு 6:15 · ரோமர் 2:16 · II கொரிந்தியர் 4:4 · II கொரிந்தியர் 5:18-20
12என்னைப் பலப்படுத்துகிற நம்முடைய கர்த்தராகிய இயேசுகிறிஸ்து என்னை உண்மையுள்ளவனென்றெண்ணி, இந்த ஊழியத்திற்கு ஏற்படுத்தினபடியால், அவரை ஸ்தோத்திரிக்கிறேன்.
Relatedபிலிப்பியர் 4:13 · II தீமோத்தேயு 4:17 · II கொரிந்தியர் 12:9-10 · கொலோசெயர் 1:25 · அப்போஸ்தலருடைய நடபடிகள் 9:15 · பிலிப்பியர் 2:11
13முன்னே நான் தூஷிக்கிறவனும், துன்பப்படுத்துகிறவனும், கொடுமை செய்கிறவனுமாயிருந்தேன்; அப்படியிருந்தும், நான் அறியாமல் அவிசுவாசத்தினாலே அப்படிச் செய்தபடியினால் இரக்கம்பெற்றேன்.
Relatedஅப்போஸ்தலருடைய நடபடிகள் 8:3 · I பேதுரு 2:10 · எபிரெயர் 6:4-8 · அப்போஸ்தலருடைய நடபடிகள் 9:13 · II பேதுரு 2:21-22 · எபிரெயர் 10:26-29
14நம்முடைய கர்த்தரின் கிருபை கிறிஸ்து இயேசுவின்மேலுள்ள விசுவாசத்தோடும் அன்போடுங்கூட என்னிடத்தில் பரிபூரணமாய்ப் பெருகிற்று.
RelatedII தீமோத்தேயு 1:13 · எபேசியர் 1:7-8 · I கொரிந்தியர் 15:10 · I பேதுரு 1:3 · II கொரிந்தியர் 13:14 · ஏசாயா 55:6-7
15பாவிகளை இரட்சிக்க கிறிஸ்து இயேசு உலகத்தில் வந்தார் என்கிற வார்த்தை உண்மையும் எல்லா அங்கிகரிப்புக்கும் பாத்திரமுமானது; அவர்களில் பிரதான பாவி நான்.
16அப்படியிருந்தும், நித்திய ஜீவனை அடையும்படி இனிமேல் இயேசுகிறிஸ்துவினிடத்தில் விசுவாசமாயிருப்பவர்களுக்குத் திருஷ்டாந்தம் உண்டாகும்பொருட்டுப் பிரதான பாவியாகிய என்னிடத்தில் அவர் எல்லா நீடிய பொறுமையையும் காண்பிக்கும்படிக்கு இரக்கம்பெற்றேன்.
RelatedI தீமோத்தேயு 1:13 · எபேசியர் 2:7 · II பேதுரு 3:9 · சங்கீதம் 25:11 · I யோவான் 5:11-12 · லூக்கா 7:47
17நித்தியமும் அழிவில்லாமையும் அதரிசனமுமுள்ள ராஜனுமாய், தாம் ஒருவரே ஞானமுள்ள தேவனுமாயிருக்கிறவருக்கு, கனமும் மகிமையும் சதாகாலங்களிலும் உண்டாயிருப்பதாக. ஆமென்.
Relatedஎபேசியர் 3:20-21 · யூதா 1:25 · I தீமோத்தேயு 6:15-16 · வெளிப்படுத்தின விசேஷம் 17:14 · வெளிப்படுத்தின விசேஷம் 19:1 · I நாளாகமம் 29:11
18குமாரனாகிய தீமோத்தேயுவே, உன்னைக்குறித்து முன் உண்டான தீர்க்கதரிசனங்களின்படியே, நீ அவைகளை முன்னிட்டு நல்ல போராட்டம்பண்ணும்படி, இந்தக் கட்டளையை உனக்கு ஒப்புவிக்கிறேன்; நீ விசுவாசமும் நல்மனச்சாட்சியும் உடையவனாயிரு.
RelatedI தீமோத்தேயு 4:14 · I தீமோத்தேயு 6:20 · II தீமோத்தேயு 4:1-3 · II தீமோத்தேயு 2:1-5 · II கொரிந்தியர் 10:3-4 · I தீமோத்தேயு 6:12-14
19இந்த நல்மனச்சாட்சியைச் சிலர் தள்ளிவிட்டு, விசுவாசமாகிய கப்பலைச் சேதப்படுத்தினார்கள்.
RelatedI தீமோத்தேயு 3:9 · வெளிப்படுத்தின விசேஷம் 3:10 · I பேதுரு 3:15-16 · I தீமோத்தேயு 6:9 · தீத்து 1:9 · II தீமோத்தேயு 4:4
20இமெனேயும் அலெக்சந்தரும் அப்படிப்பட்டவர்கள்; அவர்கள் தூஷியாதபடி சிட்சிக்கப்பட அவர்களைச் சாத்தானிடத்தில் ஒப்புக்கொடுத்தேன்.
📖 I தீமோத்தேயுAll 6 chapters of this book
📚 Whole Bible66 books • 1,189 chapters
💻 Church SoftwareOffline Bible + 16,337 songs — free
🎵 Tamil Christian Songs16,337 lyrics & chords
Translation: Tamil Old Version (BSI) — 1957, and the World English Bible (public domain).