NITHYAM SONGSமத்தேயு 7
Tamil Bible (BSI 1957) • 29 verses
1நீங்கள் குற்றவாளிகளென்று தீர்க்கப்படாதபடிக்கு மற்றவர்களைக் குற்றவாளிகளென்று தீர்க்காதிருங்கள்.
2ஏனெனில், நீங்கள் மற்றவர்களைத் தீர்க்கிற தீர்ப்பின்படியே நீங்களும் தீர்க்கப்படுவீர்கள்; நீங்கள் மற்றவர்களுக்கு அளக்கிற அளவின்படியே உங்களுக்கும் அளக்கப்படும்.
Relatedயாக்கோபு 2:13 · மாற்கு 4:24 · ஒபதியா 1:15 · லூக்கா 6:38 · சங்கீதம் 18:25-26 · வெளிப்படுத்தின விசேஷம் 18:6
3நீ உன் கண்ணிலிருக்கிற உத்திரத்தை உணராமல், உன் சகோதரன் கண்ணிலிருக்கிற துரும்பைப் பார்க்கிறதென்ன?
Relatedயோவான் 8:7-9 · கலாத்தியர் 6:1 · லூக்கா 6:41-42 · II சாமுவேல் 12:5-6 · லூக்கா 18:11 · சங்கீதம் 50:16-21
4இதோ, உன் கண்ணில் உத்திரம் இருக்கையில் உன் சகோதரனை நோக்கி: நான் உன் கண்ணிலிருக்கும் துரும்பை எடுத்துப்போடட்டும் என்று நீ சொல்வதெப்படி?
5மாயக்காரனே! முன்பு உன் கண்ணிலிருக்கிற உத்திரத்தை எடுத்துப்போடு; பின்பு உன் சகோதரன் கண்ணிலிருக்கிற துரும்பை எடுத்துப்போட வகைபார்ப்பாய்.
Relatedலூக்கா 6:42 · சங்கீதம் 51:9-13 · மத்தேயு 23:13-28 · லூக்கா 13:15 · லூக்கா 4:23 · மத்தேயு 22:18
6பரிசுத்தமானதை நாய்களுக்குக் கொடாதேயுங்கள்; உங்கள் முத்துக்களைப் பன்றிகள்முன் போடாதேயுங்கள்; போட்டால் தங்கள் கால்களால் அவைகளை மிதித்து, திரும்பிக்கொண்டு உங்களைப் பீறிப்போடும்.
Relatedநீதிமொழிகள் 9:7-8 · நீதிமொழிகள் 23:9 · மத்தேயு 10:14-15 · நீதிமொழிகள் 26:11 · மத்தேயு 15:26 · அப்போஸ்தலருடைய நடபடிகள் 13:45-47
7கேளுங்கள், அப்பொழுது உங்களுக்குக் கொடுக்கப்படும்; தேடுங்கள், அப்பொழுது கண்டடைவீர்கள்; தட்டுங்கள், அப்பொழுது உங்களுக்குத் திறக்கப்படும்;
Relatedமத்தேயு 21:22 · I யோவான் 3:22 · யோவான் 15:7 · மாற்கு 11:24 · சங்கீதம் 145:18-19 · மத்தேயு 6:33
8ஏனென்றால், கேட்கிறவன் எவனும் பெற்றுக்கொள்ளுகிறான்; தேடுகிறவன் கண்டடைகிறான்; தட்டுகிறவனுக்குத் திறக்கப்படும்.
Relatedசங்கீதம் 81:10 · சங்கீதம் 81:16 · லூக்கா 23:42-43 · மத்தேயு 15:22-28 · அப்போஸ்தலருடைய நடபடிகள் 9:11 · II நாளாகமம் 33:19
9உங்களில் எந்த மனுஷனானாலும் தன்னிடத்தில் அப்பத்தைக் கேட்கிற தன் மகனுக்குக் கல்லைக் கொடுப்பானா?
Relatedலூக்கா 11:11-13
10மீனைக் கேட்டால் அவனுக்குப் பாம்பைக் கொடுப்பானா?
11ஆகையால், பொல்லாதவர்களாகிய நீங்கள் உங்கள் பிள்ளைகளுக்கு நல்ல ஈவுகளைக் கொடுக்க அறிந்திருக்கும்போது, பரலோகத்திலிருக்கிற உங்கள் பிதா தம்மிடத்தில் வேண்டிக்கொள்ளுகிறவர்களுக்கு நன்மையானவைகளைக் கொடுப்பது அதிக நிச்சயம் அல்லவா?
12ஆதலால், மனுஷர் உங்களுக்கு எவைகளைச்செய்ய விரும்புகிறீர்களோ, அவைகளை நீங்களும் அவர்களுக்குச் செய்யுங்கள்; இதுவே நியாயப்பிராணமும் தீர்க்கதரிசனங்களுமாம்.
Relatedலூக்கா 6:31 · ரோமர் 13:8-10 · கலாத்தியர் 5:13-14 · லேவியராகமம் 19:18 · மாற்கு 12:29-34 · மத்தேயு 22:39-40
13இடுக்கமான வாசல்வழியாய் உட்பிரவேசியுங்கள்; கேட்டுக்குப்போகிற வாசல் விரிவும், வழி விசாலமுமாயிருக்கிறது; அதின் வழியாய்ப் பிரவேசிக்கிறவர்கள் அநேகர்.
Relatedலூக்கா 13:24-25 · நீதிமொழிகள் 16:25 · யோவான் 14:6 · யோவான் 10:9 · ஏசாயா 55:7 · நீதிமொழிகள் 9:6
14ஜீவனுக்குப்போகிற வாசல் இடுக்கமும், வழி நெருக்கமுமாயிருக்கிறது; அதைக் கண்டுபிடிக்கிறவர்கள் சிலர்.
15கள்ளத் தீர்க்கதரிசிகளுக்கு எச்சரிக்கையாயிருங்கள்; அவர்கள் ஆட்டுத்தோலைப் போர்த்துக்கொண்டு உங்களிடத்தில் வருவார்கள்; உள்ளத்திலோ அவர்கள் பட்சிக்கிற ஓநாய்கள்.
RelatedI யோவான் 4:1 · மத்தேயு 24:11 · II பேதுரு 2:1-3 · மாற்கு 13:22-23 · அப்போஸ்தலருடைய நடபடிகள் 20:29-31 · உபாகமம் 13:1-3
16அவர்களுடைய கனிகளினாலே அவர்களை அறிவீர்கள்; முட்செடிகளில் திராட்சப்பழங்களையும், முட்பூண்டுகளில் அத்திப்பழங்களையும் பறிக்கிறார்களா?
Relatedலூக்கா 6:43-45 · யாக்கோபு 3:12 · மத்தேயு 12:33 · மத்தேயு 7:20 · II பேதுரு 2:10-18 · யூதா 1:10-19
17அப்படியே நல்லமரமெல்லாம் நல்லகனிகளைக் கொடுக்கும்; கெட்டமரமோ கெட்டகனிகளைக் கொடுக்கும்.
Relatedமத்தேயு 12:33-35 · கலாத்தியர் 5:22-24 · எபேசியர் 5:9 · சங்கீதம் 1:3 · கொலோசெயர் 1:10 · சங்கீதம் 92:13-14
18நல்லமரம் கெட்டகனிகளைக் கொடுக்கமாட்டாது; கெட்டமரம் நல்லகனிகளைக் கொடுக்கமாட்டாது.
19நல்ல கனிகொடாத மரமெல்லாம் வெட்டுண்டு, அக்கினியிலே போடப்படும்.
20ஆதலால், அவர்களுடைய கனிகளினாலே அவர்களை அறிவீர்கள்.
21பரலோகத்திலிருக்கிற என் பிதாவின் சித்தத்தின்படிசெய்கிறவனே பரலோகராஜ்யத்தில் பிரவேசிப்பானேயல்லாமல், என்னை நோக்கி: கர்த்தாவே! கர்த்தாவே! என்று சொல்லுகிறவன் அதில் பிரவேசிப்பதில்லை.
22அந்நாளில் அநேகர் என்னை நோக்கி: கர்த்தாவே! கர்த்தாவே! உமது நாமத்தினாலே தீர்க்கதரிசனம் உரைத்தோம் அல்லவா? உமது நாமத்தினாலே பிசாசுகளைத் துரத்தினோம் அல்லவா? உமது நாமத்தினாலே அநேக அற்புதங்களைச் செய்தோம் அல்லவா? என்பார்கள்.
Relatedலூக்கா 13:25-27 · I கொரிந்தியர் 13:1-2 · மல்கியா 3:17-18 · எபிரெயர் 6:4-6 · அப்போஸ்தலருடைய நடபடிகள் 19:13-15 · II தீமோத்தேயு 1:12
23அப்பொழுது, நான் ஒருக்காலும் உங்களை அறியவில்லை; அக்கிரமச் செய்கைக்காரரே, என்னைவிட்டு அகன்றுபோங்கள் என்று அவர்களுக்குச் சொல்லுவேன்.
24ஆகையால், நான் சொல்லிய இந்த வார்த்தைகளைக் கேட்டு, இவைகளின்படி செய்கிறவன் எவனோ, அவனைக் கன்மலையின்மேல் தன் வீட்டைக் கட்டின புத்தியுள்ள மனுஷனுக்கு ஒப்பிடுவேன்.
Relatedலூக்கா 6:47-49 · யோவான் 13:17 · லூக்கா 11:28 · I கொரிந்தியர் 3:10-11 · யாக்கோபு 2:17-26 · I யோவான் 2:3
25பெருமழை சொரிந்து, பெருவெள்ளம் வந்து, காற்று அடித்து, அந்த வீட்டின்மேல் மோதியும், அது விழவில்லை; ஏனென்றால், அது கன்மலையின்மேல் அஸ்திபாரம் போடப்பட்டிருந்தது.
Relatedயாக்கோபு 1:12 · சங்கீதம் 125:1-2 · I பேதுரு 1:7 · கொலோசெயர் 2:7 · I பேதுரு 1:5 · I கொரிந்தியர் 3:13-15
26நான் சொல்லிய இந்த வார்த்தைகளைக்கேட்டு, இவைகளின்படி செய்யாதிருக்கிறவன் எவனோ, அவன் தன் வீட்டை மணலின்மேல் கட்டின புத்தியில்லாத மனுஷனுக்கு ஒப்பிடப்படுவான்.
27பெருமழை சொரிந்து, பெருவெள்ளம் வந்து, காற்று அடித்து, அந்த வீட்டின்மேல் மோதினபோது அது விழுந்தது; விழுந்து முழுவதும் அழிந்தது என்றார்.
Relatedமத்தேயு 13:19-22 · I கொரிந்தியர் 3:13 · எபிரெயர் 10:26-31 · II பேதுரு 2:20-22 · மத்தேயு 12:43-45 · எசேக்கியேல் 13:10-16
28இயேசு இந்த வார்த்தைகளைச் சொல்லி முடித்தபோது, அவர் வேதபாரகரைப்போல் போதியாமல், அதிகாரமுடையவராய் அவர்களுக்குப் போதித்தபடியால்,
29ஜனங்கள் அவருடைய போதகத்தைக்குறித்து ஆச்சரியப்பட்டார்கள்.
Relatedஎபிரெயர் 4:12-13 · லூக்கா 20:8 · ஏசாயா 50:4 · லூக்கா 20:46-47 · உபாகமம் 18:18-19 · மத்தேயு 5:32
📖 மத்தேயுAll 28 chapters of this book
📚 Whole Bible66 books • 1,189 chapters
💻 Church SoftwareOffline Bible + 16,337 songs — free
🎵 Tamil Christian Songs16,337 lyrics & chords
Translation: Tamil Old Version (BSI) — 1957, and the World English Bible (public domain).