NITHYAM SONGSரோமர் 13
Tamil Bible (BSI 1957) • 14 verses
1எந்த மனுஷனும் மேலான அதிகாரமுள்ளவர்களுக்குக் கீழ்ப்படியக்கடவன்; ஏனென்றால், தேவனாலேயன்றி ஒரு அதிகாரமுமில்லை; உண்டாயிருக்கிற அதிகாரங்கள் தேவனாலே நியமிக்கப்பட்டிருக்கிறது.
Relatedதீத்து 3:1 · I பேதுரு 2:13-17 · தானியேல் 2:21 · யோவான் 19:11 · நீதிமொழிகள் 8:15-16 · எரேமியா 27:5-8
2ஆதலால் அதிகாரத்திற்கு எதிர்த்து நிற்கிறவன் தேவனுடைய நியமத்திற்கு எதிர்த்து நிற்கிறான்; அப்படி எதிர்த்து நிற்கிறவர்கள் தங்களுக்குத் தாங்களே ஆக்கினையை வருவித்துக்கொள்ளுகிறார்கள்.
3மேலும் அதிகாரிகள் நற்கிரியைகளுக்கல்ல, துர்க்கிரியைகளுக்கே பயங்கரமாயிருக்கிறார்கள்; ஆகையால் நீ அதிகாரத்திற்குப் பயப்படாதிருக்கவேண்டுமானால், நன்மைசெய், அதினால் உனக்குப் புகழ்ச்சி உண்டாகும்.
Relatedபிரசங்கி 10:4-6 · நீதிமொழிகள் 14:35 · நீதிமொழிகள் 20:2 · I பேதுரு 2:13-14 · உபாகமம் 25:1 · எரேமியா 22:15-18
4உனக்கு நன்மை உண்டாகும்பொருட்டு, அவன் தேவவூழியக்காரனாயிருக்கிறான். நீ தீமைசெய்தால் பயந்திரு; பட்டயத்தை அவன் விருதாவாய்ப் பிடித்திருக்கவில்லை; தீமைசெய்கிறவன்மேல் கோபாக்கினை வரப்பண்ணும்படி, அவன் நீதியைச் செலுத்துகிற தேவவூழியக்காரனாயிருக்கிறானே.
Relatedரோமர் 12:19 · II நாளாகமம் 19:6 · நீதிமொழிகள் 24:23-24 · நீதிமொழிகள் 16:14 · நீதிமொழிகள் 20:2 · சங்கீதம் 82:2-4
5ஆகையால், நீங்கள் கோபாக்கினையினிமித்தம் மாத்திரமல்ல, மனச்சாட்சியினிமித்தமும் கீழ்ப்படியவேண்டும்.
Relatedஅப்போஸ்தலருடைய நடபடிகள் 24:16 · I பேதுரு 2:19 · பிரசங்கி 8:2 · I பேதுரு 2:13-15 · தீத்து 3:1-2 · I சாமுவேல் 24:5-6
6இதற்காகவே நீங்கள் வரியையும் கொடுக்கிறீர்கள். அவர்கள் இந்த வேலையைப் பார்த்துவருகிற தேவவூழியக்காரராயிருக்கிறார்களே.
Relatedமத்தேயு 22:17-21 · லூக்கா 23:2 · லூக்கா 20:21-26 · மாற்கு 12:14-17 · மத்தேயு 17:24-27 · I நாளாகமம் 18:14
7ஆகையால் யாவருக்கும் செலுத்தவேண்டிய கடமைகளைச் செலுத்துங்கள்; எவனுக்கு வரியைச் செலுத்தவேண்டியதோ அவனுக்கு வரியையும், எவனுக்குத் தீர்வையைச் செலுத்தவேண்டியதோ அவனுக்குத் தீர்வையையும் செலுத்துங்கள்; எவனுக்குப் பயப்படவேண்டியதோ அவனுக்குப் பயப்படுங்கள்; எவனைக் கனம்பண்ணவேண்டியதோ அவனைக் கனம்பண்ணுங்கள்.
Relatedலூக்கா 20:25 · நீதிமொழிகள் 24:21 · I பேதுரு 2:17-18 · மத்தேயு 17:25 · I தீமோத்தேயு 5:17 · மத்தேயு 22:21
8ஒருவரிடத்திலொருவர் அன்புகூருகிற கடனேயல்லாமல், மற்றொன்றிலும் ஒருவனுக்கும் கடன்படாதிருங்கள்; பிறனிடத்தில் அன்புகூருகிறவன் நியாயப்பிரமாணத்தை நிறைவேற்றுகிறான்.
Relatedரோமர் 13:10 · மத்தேயு 22:39-40 · கலாத்தியர் 5:14 · மத்தேயு 7:12 · நீதிமொழிகள் 3:27-28 · யோவான் 13:34
9எப்படியென்றால், விபசாரம் செய்யாதிருப்பாயாக, கொலை செய்யாதிருப்பாயாக, களவு செய்யாதிருப்பாயாக, பொய்ச்சாட்சி சொல்லாதிருப்பாயாக, இச்சியாதிருப்பாயாக என்கிற இந்தக் கற்பனைகளும், வேறே எந்தக் கற்பனையும், உன்னிடத்தில் நீ அன்புகூருகிறதுபோலப் பிறனிடத்திலும் அன்புகூருவாயாக என்கிற ஒரே வார்த்தையிலே தொகையாய் அடங்கியிருக்கிறது.
Relatedயாத்திராகமம் 20:12-17 · மத்தேயு 22:39 · மாற்கு 12:31 · லூக்கா 10:27 · உபாகமம் 5:16-21 · லேவியராகமம் 19:18
10அன்பானது பிறனுக்குப் பொல்லாங்கு செய்யாது; ஆதலால் அன்பு நியாயப்பிரமாணத்தின் நிறைவேறுதலாயிருக்கிறது.
11நித்திரையைவிட்டு எழுந்திருக்கத்தக்க வேளையாயிற்றென்று, நாம் காலத்தை அறிந்தவர்களாய், இப்படி நடக்கவேண்டும்; நாம் விசுவாசிகளானபோது இரட்சிப்பு சமீபமாயிருந்ததைப்பார்க்கிலும் இப்பொழுது அது நமக்கு அதிக சமீபமாயிருக்கிறது.
RelatedI தெசலோனிக்கேயர் 5:5-8 · I பேதுரு 4:7 · எபேசியர் 5:14 · மத்தேயு 24:42-44 · மாற்கு 13:35-37 · I கொரிந்தியர் 15:34
12இரவு சென்றுபோயிற்று, பகல் சமீபமாயிற்று; ஆகையால் அந்தகாரத்தின் கிரியைகளை நாம் தள்ளிவிட்டு, ஒளியின் ஆயுதங்களைத் தரித்துக்கொள்ளக்கடவோம்.
Relatedஎசேக்கியேல் 18:31-32 · எபேசியர் 5:11 · II கொரிந்தியர் 6:7 · கொலோசெயர் 3:8-17 · யாக்கோபு 1:21 · எபேசியர் 6:11-18
13களியாட்டும் வெறியும், வேசித்தனமும் காமவிகாரமும், வாக்குவாதமும், பொறாமையும் உள்ளவர்களாய் நடவாமல், பகலிலே நடக்கிறவர்கள்போலச் சீராய் நடக்கக்கடவோம்.
Relatedகலாத்தியர் 5:21 · எபேசியர் 5:18 · I தெசலோனிக்கேயர் 4:3-5 · I பேதுரு 4:3-5 · I தெசலோனிக்கேயர் 4:12 · எபேசியர் 5:15
14துர்யிச்சைகளுக்கு இடமாக உடலைப் பேணாமலிருந்து, கர்த்தராகிய இயேசுகிறிஸ்துவைத் தரித்துக்கொள்ளுங்கள்.
📖 ரோமர்All 16 chapters of this book
📚 Whole Bible66 books • 1,189 chapters
💻 Church SoftwareOffline Bible + 16,337 songs — free
🎵 Tamil Christian Songs16,337 lyrics & chords
Translation: Tamil Old Version (BSI) — 1957, and the World English Bible (public domain).