NITHYAM SONGSலூக்கா 9
Tamil Bible (BSI 1957) • 62 verses
1அவர் தம்முடைய பன்னிரண்டு சீஷரையும் வரவழைத்து, சகல பிசாசுகளையும் துரத்தவும், வியாதியுள்ளவர்களைக் குணமாக்கவும், அவர்களுக்கு வல்லமையும் அதிகாரமும் கொடுத்து,
Relatedயோவான் 14:12 · லூக்கா 10:19 · மத்தேயு 16:19 · அப்போஸ்தலருடைய நடபடிகள் 4:30 · மாற்கு 16:17-18 · மாற்கு 6:7-13
2தேவனுடைய ராஜ்யத்தைக்குறித்துப் பிரசங்கிக்கவும், பிணியாளிகளைச் சொஸ்தமாக்கவும் அவர்களை அனுப்பினார்.
3அப்பொழுது அவர் அவர்களை நோக்கி: வழிக்குத் தடியையாவது பையையாவது அப்பத்தையாவது காசையாவது எடுத்துக்கொண்டு போகவேண்டாம்; இரண்டு அங்கிகளைக் கொண்டுபோகவும்வேண்டாம்.
Relatedலூக்கா 22:35 · சங்கீதம் 37:3 · லூக்கா 10:4-12 · மத்தேயு 10:9-14 · லூக்கா 3:11 · மாற்கு 6:8-11
4எந்த வீட்டிலே பிரவேசிக்கிறீர்களோ, அங்கே தங்கி, அங்கிருந்து புறப்படுங்கள்.
5உங்களை ஏற்றுக்கொள்ளாதவர்கள் எவர்களோ அவர்களுடைய ஊரைவிட்டு நீங்கள் புறப்படும்போது, அவர்களுக்குச் சாட்சியாக உங்கள் கால்களில் படிந்ததூசியை உதறிப்போடுங்கள் என்றார்.
Relatedமத்தேயு 10:14-15 · அப்போஸ்தலருடைய நடபடிகள் 18:6 · மாற்கு 6:11 · அப்போஸ்தலருடைய நடபடிகள் 13:51 · லூக்கா 10:16 · லூக்கா 10:10-12
6அவர்கள் புறப்பட்டுப்போய், கிராமங்கள்தோறும் திரிந்து, எங்கும் சுவிசேஷத்தைப் பிரசங்கித்து, பிணியாளிகளைக் குணமாக்கினார்கள்.
Relatedஅப்போஸ்தலருடைய நடபடிகள் 4:30 · மாற்கு 16:20 · மாற்கு 6:12-13 · அப்போஸ்தலருடைய நடபடிகள் 5:15 · லூக்கா 9:1-2
7அப்பொழுது காற்பங்கு தேசாதிபதியாகிய ஏரோது அவரால் செய்யப்பட்ட யாவையும் கேள்விப்பட்டதுமன்றி; சிலர் யோவான் மரித்தோரிலிருந்து எழுந்தான் என்றும்,
8சிலர் எலியா தோன்றினான் என்றும், வேறு சிலர் பூர்வகாலத்துத் தீர்க்கதரிசிகளில் ஒருவன் உயிர்த்தெழுந்தான் என்றும் சொல்லிக்கொண்டபடியால், கலக்கமடைந்து:
9யோவானை நான் சிரச்சேதம்பண்ணினேன், இவன் இப்படிப்பட்டவைகளைச் செய்கிறான் என்று கேள்விப்படுகிறேனே! இவன் யார்? என்று ஏரோது சொல்லி, அவரைப் பார்க்கவிரும்பினான்.
10அப்போஸ்தலர் திரும்பிவந்து, தாங்கள் செய்த யாவையும் அவருக்கு விவரித்துச் சொன்னார்கள். அப்பொழுது அவர் அவர்களைக் கூட்டிக்கொண்டு, தனித்திருக்கும்படி பெத்சாயிதா என்னும் பட்டணத்தைச் சேர்ந்த வனாந்தரமான ஒரு இடத்துக்குப் போனார்.
Relatedமத்தேயு 11:21 · எபிரெயர் 13:17 · மத்தேயு 14:13-21 · லூக்கா 10:17 · யோவான் 1:44 · யோவான் 6:5-13
11ஜனங்கள் அதை அறிந்து, அவர் பின்னே போனார்கள்; அவர்களை அவர் ஏற்றுக்கொண்டு, தேவனுடைய ராஜ்யத்தைக்குறித்து அவர்களுடனே பேசி, சொஸ்தமடையவேண்டுமென்றிருந்தவர்களைச் சொஸ்தப்படுத்தினார்.
12சாயங்காலமாகிறபோது, பன்னிருவரும் சேர்ந்துவந்து, அவரை நோக்கி: நாம் இருக்கிற இடம் வனாந்தரமாயிருக்கிறது, சுற்றியிருக்கிற ஊர்களிலும் கிராமங்களிலும் ஜனங்கள் போய்த் தங்கி, போஜனபதார்த்தங்களைச் சம்பாதித்துக் கொள்ளும்படி அவர்களை அனுப்பிவிடவேண்டும் என்றார்கள்.
13அவர் அவர்களை நோக்கி: நீங்களே அவர்களுக்குப் போஜனங்கொடுங்கள் என்றார். அதற்கு அவர்கள்: எங்களிடத்தில் ஐந்து அப்பங்களும் இரண்டு மீன்களுமாத்திரமுண்டு, இந்த ஜனங்களெல்லாருக்கும் போஜனங்கொடுக்கவேண்டியதானால், நாங்கள் போய் வாங்கிக்கொண்டு வரவேண்டுமே என்றார்கள்.
Relatedநீதிமொழிகள் 11:24-25 · II இராஜாக்கள் 4:42-43 · யோவான் 6:5-9 · மாற்கு 6:37-38 · மத்தேயு 14:16-17 · எண்ணாகமம் 11:21-23
14ஏறக்குறைய ஐயாயிரம் புருஷர் இருந்தார்கள். அவர்களைப் பந்திக்கு ஐம்பது ஐம்பதுபேராக உட்காரும்படி சொல்லுங்கள் என்று தம்முடைய சீஷர்களுக்குச் சொன்னார்.
15அவர்கள் அந்தப்படியே எல்லாரையும் உட்காரும்படி செய்தார்கள்.
16அப்பொழுது அவர் அந்த ஐந்து அப்பங்களையும் அந்த இரண்டு மீன்களையும் எடுத்து, வானத்தை அண்ணாந்து பார்த்து, அவைகளை ஆசீர்வதித்து, பிட்டு, ஜனங்கள்முன் வைக்கும்படி சீஷர்களிடத்தில் கொடுத்தார்.
Relatedமத்தேயு 14:19 · லூக்கா 24:30 · I தீமோத்தேயு 4:4-5 · மத்தேயு 15:36 · யோவான் 6:23 · யோவான் 6:11
17எல்லாரும் சாப்பிட்டுத் திருப்தியடைந்தார்கள். மீதியான துணிக்கைகள் பன்னிரண்டு கூடை நிறைய எடுக்கப்பட்டது.
RelatedII இராஜாக்கள் 4:44 · மத்தேயு 16:9-10 · மாற்கு 6:42-44 · மாற்கு 8:8-9 · மத்தேயு 15:37-38 · மாற்கு 8:19-20
18பின்பு அவர் தமது சீஷரோடேகூடத் தனித்து ஜெபம்பண்ணிக்கொண்டிருக்கையில், அவர்களை நோக்கி: ஜனங்கள் என்னை யார் என்று சொல்லுகிறார்கள் என்று கேட்டார்.
19அதற்கு அவர்கள்: சிலர் உம்மை யோவான்ஸ்நானன் என்றும், சிலர் எலியா என்றும், வேறு சிலர் பூர்வகாலத்துத் தீர்க்கதரிசிகளில் ஒருவர் உயிர்த்தெழுந்தார் என்றும் சொல்லுகிறார்கள் என்றார்கள்.
20அப்பொழுது அவர்: நீங்கள் என்னை யார் என்று சொல்லுகிறீர்கள் என்று கேட்டார்; பேதுரு பிரதியுத்தரமாக: நீர் தேவனுடைய கிறிஸ்து என்றான்.
21அப்பொழுது அவர்கள் அதை ஒருவருக்கும் சொல்லாதபடிக்கு உறுதியாய்க் கட்டளையிட்டார்.
22மேலும் மனுஷகுமாரன் பலபாடுகள்படவும், மூப்பராலும் பிரதான ஆசாரியராலும் வேதபாரகராலும் ஆகாதவனென்று தள்ளப்படவும், கொல்லப்படவும், மூன்றாம் நாளில் உயிர்த்தெழுந்திருக்கவும் வேண்டும் என்று சொன்னார்.
Relatedஏசாயா 53:1-12 · லூக்கா 24:7 · லூக்கா 18:31-34 · லூக்கா 9:44 · I பேதுரு 1:11 · அப்போஸ்தலருடைய நடபடிகள் 4:25-28
23பின்பு அவர் எல்லாரையும் நோக்கி: ஒருவன் என் பின்னே வர விரும்பினால் அவன் தன்னைத்தான் வெறுத்து, தன் சிலுவையை அநுதினமும் எடுத்துக்கொண்டு, என்னைப் பின்பற்றக்கடவன்.
Relatedமத்தேயு 10:38-39 · லூக்கா 14:26-27 · ரோமர் 8:13 · யோவான் 12:25-26 · மாற்கு 8:34-38 · கொலோசெயர் 3:5
24தன் ஜீவனை இரட்சிக்க விரும்புகிறவன் அதை இழந்துபோவான்; என்னிமித்தமாகத் தன் ஜீவனை இழந்துபோகிறவன் அதை இரட்சித்துக்கொள்ளுவான்.
Relatedலூக்கா 17:33 · யோவான் 12:25 · வெளிப்படுத்தின விசேஷம் 2:10 · அப்போஸ்தலருடைய நடபடிகள் 20:23-24 · வெளிப்படுத்தின விசேஷம் 12:11 · எபிரெயர் 11:35
25மனுஷன் உலகமுழுவதையும் ஆதாயப்படுத்திக்கொண்டாலும், தன்னைத்தான் கெடுத்து நஷ்டப்படுத்தினால் அவனுக்கு லாபம் என்ன?
Relatedமாற்கு 8:36 · மத்தேயு 16:26 · சங்கீதம் 49:6-8 · லூக்கா 12:19-21 · லூக்கா 4:5-7 · II பேதுரு 2:15-17
26என்னைக்குறித்தும் என் வார்த்தைகளைக்குறித்தும் எவன் வெட்கப்படுகிறானோ, அவனைக்குறித்து மனுஷகுமாரனும் தம்முடைய மகிமையோடும் பிதாவின் மகிமையோடும் பரிசுத்த தூதர்களின் மகிமையோடும் வரும்போது வெட்கப்படுவார்.
Relatedமத்தேயு 10:32-33 · II தீமோத்தேயு 2:12 · லூக்கா 12:8-9 · ரோமர் 1:16 · மத்தேயு 16:27 · மாற்கு 8:38
27இங்கே நிற்கிறவர்களில் சிலர் தேவனுடைய ராஜ்யத்தைக் காணுமுன், மரணத்தை ருசிபார்ப்பதில்லையென்று மெய்யாகவே உங்களுக்குச் சொல்லுகிறேன் என்றார்.
28இந்த வார்த்தைகளை அவர் சொல்லி ஏறக்குறைய எட்டுநாளானபின்பு, அவர் பேதுருவையும் யோவானையும் யாக்கோபையும் கூட்டிக்கொண்டு, ஜெபம்பண்ணுகிறதற்கு ஒரு மலையின்மேல் ஏறினார்.
Relatedலூக்கா 6:12 · மாற்கு 14:33-36 · மத்தேயு 17:1-13 · மத்தேயு 26:37-39 · மாற்கு 9:2-13 · சங்கீதம் 109:4
29அவர் ஜெபம்பண்ணுகையில் அவருடைய முகரூபம் மாறிற்று, அவருடைய வஸ்திரம் வெண்மையாகிப் பிரகாசித்தது.
Relatedமத்தேயு 17:2 · மாற்கு 9:2-3 · II பேதுரு 1:16-18 · யாத்திராகமம் 34:29-35 · ஏசாயா 53:2 · ஏசாயா 33:17
30அன்றியும் மோசே எலியா என்னும் இரண்டுபேரும் மகிமையோடே காணப்பட்டு, அவருடனே சம்பாஷணைபண்ணி,
Relatedயோவான் 1:17 · II கொரிந்தியர் 3:7-11 · லூக்கா 1:17 · எபிரெயர் 3:3-6 · லூக்கா 24:44 · லூக்கா 9:19
31அவர் எருசலேமிலே நிறைவேற்றப்போகிற அவருடைய மரணத்தைக்குறித்துப் பேசிக்கொண்டிருந்தார்கள்.
Relatedபிலிப்பியர் 3:21 · I பேதுரு 5:10 · II பேதுரு 1:15 · I பேதுரு 1:11-12 · வெளிப்படுத்தின விசேஷம் 5:6-12 · லூக்கா 9:22
32பேதுருவும் அவனோடிருந்தவர்களும் நித்திரைமயக்கமாயிருந்தார்கள். ஆகிலும் அவர்கள் விழித்து அவருடைய மகிமையையும் அவரோடே நின்ற அவ்விரண்டுபேரையும் கண்டார்கள்.
Relatedதானியேல் 8:18 · யோவான் 1:14 · மத்தேயு 26:40-43 · தானியேல் 10:9 · ஏசாயா 60:1-3 · லூக்கா 22:45-46
33அவ்விருவரும் அவரைவிட்டுப் பிரிந்துபோகையில், பேதுரு இயேசுவை நோக்கி: ஐயரே, நாம் இங்கே இருக்கிறது நல்லது, உமக்கு ஒரு கூடாரமும், மோசேக்கு ஒரு கூடாரமும், எலியாவுக்கு ஒரு கூடாரமுமாக, மூன்று கூடாரங்களைப் போடுவோம் என்று, தான் சொல்லுகிறது இன்னதென்று அறியாமல் சொன்னான்.
34இப்படி அவன் பேசுகையில், ஒரு மேகம் வந்து அவர்கள்மேல் நிழலிட்டது; அவர்கள் அந்த மேகத்துக்குள் பிரவேசிக்கையில் சீஷர்கள் பயந்தார்கள்.
Relatedயாத்திராகமம் 40:34-38 · மத்தேயு 17:5-7 · நியாயாதிபதிகள் 6:22 · யாத்திராகமம் 14:19-20 · சங்கீதம் 18:9-11 · நியாயாதிபதிகள் 13:22
35அப்பொழுது: இவர் என்னுடைய நேசகுமாரன், இவருக்குச் செவிகொடுங்கள் என்று மேகத்திலிருந்து ஒரு சத்தமுண்டாயிற்று.
Relatedலூக்கா 3:22 · அப்போஸ்தலருடைய நடபடிகள் 3:22-23 · மத்தேயு 3:17 · உபாகமம் 18:18-19 · எபிரெயர் 5:9 · எபிரெயர் 3:15
36அந்தச் சத்தம் உண்டாகையில் இயேசு ஒருவரே காணப்பட்டார். தாங்கள் கண்டவைகளில் ஒன்றையும் அவர்கள் அந்நாட்களில் ஒருவருக்கும் சொல்லாமல் அடக்கிவைத்திருந்தார்கள்.
37மறுநாளில் அவர்கள் மலையிலிருந்திறங்கினபோது, திரளான ஜனங்கள் அவருக்கு எதிர்கொண்டுவந்தார்கள்.
38அவர்களில் ஒருவன் சத்தமிட்டு: போதகரே, என் மகனைக் கடாட்சித்தருளவேண்டுமென்று உம்மை வேண்டிக்கொள்ளுகிறேன், அவன் எனக்கு ஒரே பிள்ளையாயிருக்கிறான்.
39ஒரு ஆவி அவனைப் பிடிக்கிறது. அப்பொழுது அலறுகிறான், அது அவனை நுரைதள்ள அலைக்கழித்து, அவனைக் கசக்கினபின்பும், அவனை விட்டு நீங்குவது அரிதாயிருக்கிறது.
40அதைத் துரத்திவிடும்படி உம்முடைய சீஷரை வேண்டிக்கொண்டேன், அவர்களால் கூடாமற்போயிற்று என்றான்.
Relatedலூக்கா 9:1 · அப்போஸ்தலருடைய நடபடிகள் 19:13-16 · II இராஜாக்கள் 4:31 · லூக்கா 10:17-19 · மத்தேயு 17:20
41இயேசு பிரதியுத்தரமாக: விசுவாசமில்லாத மாறுபாடான சந்ததியே, எதுவரைக்கும் நான் உங்களோடிருந்து, உங்களிடத்தில் பொறுமையாயிருப்பேன்? உன் மகனை இங்கே கொண்டுவா என்றார்.
42அவன் சமீபித்துவருகையில், பிசாசு அவனைக் கீழே தள்ளி, அலைக்கழித்தது. இயேசு அந்த அசுத்த ஆவியை அதட்டி, இளைஞனைக் குணமாக்கி, அவன் தகப்பனிடத்தில் அவனை ஒப்புக்கொடுத்தார்.
Relatedவெளிப்படுத்தின விசேஷம் 12:12 · மாற்கு 9:20 · லூக்கா 7:15 · மாற்கு 9:26-27 · லூக்கா 9:39 · II இராஜாக்கள் 4:36
43அப்பொழுது எல்லாரும் தேவனுடைய மகத்துவத்தைக்குறித்துப் பிரமித்தார்கள். இயேசு செய்த யாவையுங்குறித்து அனைவரும் ஆச்சரியப்படுகையில் அவர் தம்முடைய சீஷர்களை நோக்கி:
Relatedலூக்கா 9:43-45 · லூக்கா 5:26 · லூக்கா 8:25 · மாற்கு 9:30-32 · மத்தேயு 17:22 · அப்போஸ்தலருடைய நடபடிகள் 3:10-13
44நீங்கள் இந்த வார்த்தைகளைக் கவனமாய்க் கேளுங்கள்; மனுஷகுமாரன் மனுஷர் கைகளில் ஒப்புக்கொடுக்கப்படப்போகிறார் என்றார்.
Relatedலூக்கா 9:22 · அப்போஸ்தலருடைய நடபடிகள் 2:23 · எபிரெயர் 2:1 · லூக்கா 2:19 · மாற்கு 9:31 · மத்தேயு 17:22-23
45அவர்கள் அந்த வார்த்தையின் கருத்தை அறிந்துகொள்ளவில்லை; அது அவர்களுக்குத் தோன்றாமல் மறைபொருளாயிருந்தது; அந்த வார்த்தையைக்குறித்து அவரிடத்தில் விசாரிக்கவும் பயந்தார்கள்.
46பின்பு தங்களில் எவன் பெரியவனாயிருப்பானென்கிற வாக்குவாதம் அவர்களுக்குள் உண்டாயிற்று.
Relatedமத்தேயு 18:1-5 · மத்தேயு 20:20-22 · மாற்கு 9:33-37 · பிலிப்பியர் 2:3 · III யோவான் 1:9 · லூக்கா 14:7-11
47இயேசு அவர்கள் இருதயத்தின் யோசனையை அறிந்து, ஒரு சிறுபிள்ளையை எடுத்து, அதைத் தமதருகே நிறுத்தி,
Relatedலூக்கா 5:22 · யோவான் 16:30 · சங்கீதம் 139:23 · மத்தேயு 19:13-15 · எபிரெயர் 4:13 · சங்கீதம் 139:2
48அவர்களை நோக்கி: இந்தச் சிறுபிள்ளையை என் நாமத்தினிமித்தம் ஏற்றுக்கொள்ளுகிறவன் என்னை ஏற்றுக்கொள்ளுகிறான்; என்னை ஏற்றுக்கொள்ளுகிறவன் என்னை அனுப்பினவரை ஏற்றுக்கொள்ளுகிறான்; உங்களெல்லாருக்குள்ளும் எவன் சிறியவனாயிருக்கிறானோ அவனே பெரியவனாயிருப்பான் என்றார்.
49அப்பொழுது யோவான் அவரை நோக்கி: ஐயரே, ஒருவன் உம்முடைய நாமத்தினாலே பிசாசுகளைத் துரத்துகிறதை நாங்கள் கண்டு, அவன் எங்களுடனேகூட உம்மைப் பின்பற்றாதவனானபடியால், அவனைத் தடுத்தோம் என்றான்.
Relatedமாற்கு 9:38-40 · எண்ணாகமம் 11:27-29 · மாற்கு 10:13-14 · அப்போஸ்தலருடைய நடபடிகள் 4:18-19 · அப்போஸ்தலருடைய நடபடிகள் 5:28 · லூக்கா 5:5
50அதற்கு இயேசு: தடுக்கவேண்டாம்; நமக்கு விரோதியாயிராதவன் நமது பட்சத்திலிருக்கிறான் என்றார்.
Relatedலூக்கா 11:23 · மத்தேயு 12:30 · பிலிப்பியர் 1:15-18 · I கொரிந்தியர் 12:3 · லூக்கா 16:13 · நீதிமொழிகள் 3:5-6
51பின்பு, அவர் எடுத்துக்கொள்ளப்படும் நாட்கள் சமீபித்தபோது, அவர் எருசலேமுக்குப் போகத் தமது முகத்தைத் திருப்பி,
Relatedஏசாயா 50:5-9 · லூக்கா 18:31 · லூக்கா 13:22 · மாற்கு 16:19 · அப்போஸ்தலருடைய நடபடிகள் 1:9 · அப்போஸ்தலருடைய நடபடிகள் 1:2
52தமக்கு முன்னாகத் தூதர்களை அனுப்பினார். அவர்கள் போய், அவருக்கு இடத்தை ஆயத்தம்பண்ணும்படி சமாரியருடைய ஒரு கிராமத்திலே பிரவேசித்தார்கள்.
Relatedமத்தேயு 10:5 · லூக்கா 10:1 · II இராஜாக்கள் 17:24-33 · யோவான் 8:48 · லூக்கா 17:16 · லூக்கா 10:33
53அவர் எருசலேமுக்குப்போக நோக்கமாயிருந்தபடியினால் அவ்வூரார் அவரை ஏற்றுக்கொள்ளவில்லை.
54அவருடைய சீஷராகிய யாக்கோபும் யோவானும் அதைக் கண்டபோது: ஆண்டவரே, எலியா செய்ததுபோல, வானத்திலிருந்து அக்கினி இறங்கி இவர்களை அழிக்கும்படி நாங்கள் கட்டளையிட உமக்குச் சித்தமா என்று கேட்டார்கள்.
RelatedII இராஜாக்கள் 1:10-14 · யாக்கோபு 1:19-20 · யாக்கோபு 3:14-18 · அப்போஸ்தலருடைய நடபடிகள் 4:29-30 · II இராஜாக்கள் 10:31 · II சாமுவேல் 21:2
55அவர் திரும்பிப்பார்த்து: நீங்கள் இன்ன ஆவியுள்ளவர்களென்பதை அறியீர்கள் என்று அதட்டி,
Relatedவெளிப்படுத்தின விசேஷம் 3:19 · மத்தேயு 16:23 · யோபு 2:10 · யோபு 26:4 · I பேதுரு 3:9 · மத்தேயு 26:51
56மனுஷகுமாரன் மனுஷருடைய ஜீவனை அழிக்கிறதற்கு அல்ல, இரட்சிக்கிறதற்கே வந்தார் என்றார். அதன்பின்பு அவர்கள் வேறொரு கிராமத்துக்குப் போனார்கள்.
57அவர்கள் வழியிலே போகையில் ஒருவன் அவரை நோக்கி: ஆண்டவரே, நீர் எங்கே போனாலும் உம்மைப் பின்பற்றி வருவேன் என்றான்.
58அதற்கு இயேசு: நரிகளுக்குக் குழிகளும் ஆகாயத்துப் பறவைகளுக்குக் கூடுகளும் உண்டு, மனுஷகுமாரனுக்கோ தலைசாய்க்க இடமில்லை என்றார்.
Relatedமத்தேயு 8:20 · லூக்கா 14:26-33 · II கொரிந்தியர் 8:9 · லூக்கா 18:22-23 · யாக்கோபு 2:5 · சங்கீதம் 84:3
59வேறொருவனை அவர் நோக்கி: என்னைப் பின்பற்றிவா என்றார். அதற்கு அவன்: ஆண்டவரே, முன்பு நான் போய் என் தகப்பனை அடக்கம்பண்ண எனக்கு உத்தரவு கொடுக்கவேண்டும் என்றான்.
Relatedமத்தேயு 16:24 · I இராஜாக்கள் 19:20 · மத்தேயு 6:33 · மத்தேயு 8:21-22 · ஆகாய் 1:2 · மத்தேயு 4:19-22
60அதற்கு இயேசு: மரித்தோர் தங்கள் மரித்தோரை அடக்கம்பண்ணட்டும்; நீ போய், தேவனுடைய ராஜ்யத்தைக்குறித்துப் பிரசங்கி என்றார்.
RelatedII தீமோத்தேயு 2:3-4 · I தீமோத்தேயு 5:6 · யோவான் 21:15-17 · II தீமோத்தேயு 4:2 · II தீமோத்தேயு 4:5 · லூக்கா 15:32
61பின்பு வேறொருவன் அவரை நோக்கி: ஆண்டவரே, உம்மைப் பின்பற்றுவேன், ஆனாலும் முன்பு நான் போய் வீட்டிலிருக்கிறவர்களிடத்தில் அனுப்புவித்துக்கொண்டுவரும்படி எனக்கு உத்தரவு கொடுக்கவேண்டும் என்றான்.
Relatedலூக்கா 14:26 · I இராஜாக்கள் 19:20 · லூக்கா 14:18-20 · மத்தேயு 10:37-38 · உபாகமம் 33:9 · பிரசங்கி 9:10
62அதற்கு இயேசு: கலப்பையின்மேல் தன் கையை வைத்துப் பின்னிட்டுப்பார்க்கிற எவனும் தேவனுடைய ராஜ்யத்துக்குத் தகுதியுள்ளவன் அல்ல என்றார்.
📖 லூக்காAll 24 chapters of this book
📚 Whole Bible66 books • 1,189 chapters
💻 Church SoftwareOffline Bible + 16,337 songs — free
🎵 Tamil Christian Songs16,337 lyrics & chords
Translation: Tamil Old Version (BSI) — 1957, and the World English Bible (public domain).