NITHYAM SONGSமத்தேயு 17
Tamil Bible (BSI 1957) • 27 verses
1ஆறுநாளைக்குப் பின்பு, இயேசு பேதுருவையும் யாக்கோபையும் அவனுடைய சகோதரனாகிய யோவானையும் கூட்டிக்கொண்டு தனித்திருக்கும்படி உயர்ந்த மலையின்மேல் போய்,
Relatedலூக்கா 9:28-36 · மத்தேயு 26:37 · மாற்கு 5:37 · II கொரிந்தியர் 13:1 · II பேதுரு 1:18 · மாற்கு 9:2-13
2அவர்களுக்கு முன்பாக மறுரூபமானார்; அவர் முகம் சூரியனைப்போலப் பிரகாசித்தது, அவர் வஸ்திரம் வெளிச்சத்தைப்போல வெண்மையாயிற்று.
Relatedசங்கீதம் 104:2 · மத்தேயு 28:3 · லூக்கா 9:29 · யோவான் 1:14 · வெளிப்படுத்தின விசேஷம் 10:1 · யோவான் 17:24
3அப்பொழுது மோசேயும் எலியாவும் அவரோடே பேசுகிறவர்களாக அவர்களுக்குக் காணப்பட்டார்கள்.
Relatedமல்கியா 4:5 · லூக்கா 24:44 · உபாகமம் 34:10 · மாற்கு 9:4 · I இராஜாக்கள் 18:36-40 · லூக்கா 16:16
4அப்பொழுது பேதுரு இயேசுவை நோக்கி: ஆண்டவரே, நாம் இங்கே இருக்கிறது நல்லது; உமக்குச் சித்தமானால், இங்கே உமக்கு ஒரு கூடாரமும், மோசேக்கு ஒரு கூடாரமும், எலியாவுக்கு ஒரு கூடாரமுமாக, மூன்று கூடாரங்களைப்போடுவோம் என்றான்.
Relatedமாற்கு 9:5-6 · லூக்கா 9:33 · வெளிப்படுத்தின விசேஷம் 22:3-5 · I யோவான் 3:2 · யோவான் 14:8-9 · சங்கீதம் 63:1-5
5அவன் பேசுகையில், இதோ, ஒளியுள்ள ஒரு மேகம் அவர்கள்மேல் நிழலிட்டது. இவர் என்னுடைய நேச குமாரன், இவரில் பிரியமாயிருக்கிறேன், இவருக்குச் செவிகொடுங்கள் என்று அந்த மேகத்திலிருந்து ஒரு சத்தம் உண்டாயிற்று.
Relatedமத்தேயு 3:17 · மத்தேயு 12:18 · உபாகமம் 18:15 · மாற்கு 9:7 · எபிரெயர் 2:1-3 · வெளிப்படுத்தின விசேஷம் 1:7
6சீஷர்கள் அதைக் கேட்டு, முகங்குப்புற விழுந்து, மிகவும் பயந்தார்கள்.
Relatedஅப்போஸ்தலருடைய நடபடிகள் 26:14 · நியாயாதிபதிகள் 13:20 · II பேதுரு 1:18 · அப்போஸ்தலருடைய நடபடிகள் 22:7 · தானியேல் 8:17 · I நாளாகமம் 21:16
7அப்பொழுது, இயேசு வந்து, அவர்களைத் தொட்டு: எழுந்திருங்கள், பயப்படாதேயுங்கள் என்றார்.
Relatedதானியேல் 10:18 · தானியேல் 8:18 · மத்தேயு 14:27 · வெளிப்படுத்தின விசேஷம் 1:17 · தானியேல் 10:10 · தானியேல் 9:21
8அவர்கள் தங்கள் கண்களை ஏறெடுத்துப்பார்க்கையில் இயேசுவைத்தவிர வேறொருவரையும் காணவில்லை.
9அவர்கள் மலையிலிருந்து இறங்குகிறபோது, இயேசு அவர்களை நோக்கி: மனுஷகுமாரன் மரித்தோரிலிருந்து எழுந்திருக்கும்வரைக்கும் இந்தத் தரிசனத்தை ஒருவருக்கும் சொல்லவேண்டாம் என்று கட்டளையிட்டார்.
10அப்பொழுது, அவருடைய சீஷர்கள் அவரை நோக்கி: அப்படியானால் எலியா முந்தி வரவேண்டும் என்று வேதபாரகர் சொல்லுகிறார்களே, அதெப்படியென்று கேட்டார்கள்.
Relatedமல்கியா 4:5-6 · மத்தேயு 11:14 · யோவான் 1:21 · மாற்கு 9:11 · மத்தேயு 17:3-4 · மத்தேயு 27:47-49
11இயேசு அவர்களுக்குப் பிரதியுத்தரமாக: எலியா முந்திவந்து எல்லாவற்றையும் சீர்ப்படுத்துவது மெய்தான்.
12ஆனாலும், எலியா வந்தாயிற்று என்று உங்களுக்குச் சொல்லுகிறேன்; அவனை அறியாமல் தங்கள் இஷ்டப்படி அவனுக்குச் செய்தார்கள்; இவ்விதமாய் மனுஷகுமாரனும் அவர்களால் பாடுபடுவார் என்றார்.
Relatedஏசாயா 53:3-12 · அப்போஸ்தலருடைய நடபடிகள் 13:24-28 · மாற்கு 6:14-28 · மத்தேயு 16:21 · யோவான் 5:32-36 · அப்போஸ்தலருடைய நடபடிகள் 3:14-15
13அவர் யோவான்ஸ்நானனைக்குறித்துத் தங்களுக்குச் சொன்னார் என்று சீஷர்கள் அப்பொழுது அறிந்துகொண்டார்கள்.
Relatedமத்தேயு 11:14
14அவர்கள் ஜனங்களிடத்தில் வந்தபோது, ஒரு மனுஷன் அவரிடத்தில் வந்து, அவர் முன்பாக முழங்கால்படியிட்டு:
Relatedமாற்கு 9:14-29 · மாற்கு 1:40 · மாற்கு 10:17 · அப்போஸ்தலருடைய நடபடிகள் 10:25-26 · லூக்கா 9:37-43 · மத்தேயு 17:14-19
15ஆண்டவரே, என் மகனுக்கு இரங்கும், அவன் சந்திரரோகியாய்க் கொடிய வேதனைப்படுகிறான்; அடிக்கடி தீயிலும், அடிக்கடி ஜலத்திலும் விழுகிறான்.
Relatedமத்தேயு 4:24 · யோபு 1:10-19 · யோவான் 4:46-47 · மாற்கு 5:4-5 · லூக்கா 9:38-42 · மாற்கு 9:20-22
16அவனை உம்முடைய சீஷர்களிடத்தில் கொண்டுவந்தேன்; அவனைச் சொஸ்தமாக்க அவர்களால் கூடாமற்போயிற்று என்றான்.
Relatedமத்தேயு 17:19-20 · அப்போஸ்தலருடைய நடபடிகள் 19:15-16 · லூக்கா 9:40 · அப்போஸ்தலருடைய நடபடிகள் 3:16 · II இராஜாக்கள் 4:29-31
17இயேசு பிரதியுத்தரமாக: விசுவாசமில்லாத மாறுபாடுள்ள சந்ததியே, எதுவரைக்கும் நான் உங்களோடு இருப்பேன்? எதுவரைக்கும் உங்களிடத்தில் பொறுமையாய் இருப்பேன்? அவனை என்னிடத்தில் கொண்டுவாருங்கள் என்றார்.
Relatedஎண்ணாகமம் 14:11 · மத்தேயு 6:30 · எபிரெயர் 3:16-19 · மாற்கு 9:19 · மாற்கு 16:14 · நீதிமொழிகள் 1:22
18இயேசு பிசாசை அதட்டினார்; உடனே அது அவனை விட்டுப் புறப்பட்டது; அந்நேரமே அந்த இளைஞன் சொஸ்தமானான்.
19அப்பொழுது, சீஷர்கள் இயேசுவினிடத்தில் தனித்துவந்து: அதைத் துரத்திவிட எங்களால் ஏன் கூடாமற்போயிற்று என்று கேட்டார்கள்.
20அதற்கு இயேசு: உங்கள் அவிசுவாசத்தினாலேதான்; கடுகுவிதையளவு விசுவாசம் உங்களுக்கு இருந்தால் நீங்கள் இந்த மலையைப் பார்த்து, இவ்விடம் விட்டு அப்புறம்போ என்று சொல்ல அது அப்புறம்போகும்; உங்களால் கூடாத காரியம் ஒன்றுமிராது என்று, மெய்யாகவே உங்களுக்குச் சொல்லுகிறேன்.
21இந்த ஜாதிப் பிசாசு ஜெபத்தினாலும் உபவாசத்தினாலுமேயன்றி மற்றெவ்விதத்தினாலும் புறப்பட்டுப்போகாது என்றார்.
22அவர்கள் கலிலேயாவிலே சஞ்சரிக்கும்போது, இயேசு அவர்களை நோக்கி: மனுஷகுமாரன் மனுஷர் கைகளில் ஒப்புக்கொடுக்கப்படுவார்.
23அவர்கள் அவரைக் கொலைசெய்வார்கள்; ஆகிலும் மூன்றாம் நாளிலே உயிர்த்தெழுந்திருப்பார் என்றார். அவர்கள் மிகுந்த துக்கமடைந்தார்கள்.
Relatedமத்தேயு 16:21 · ஏசாயா 53:10-12 · மாற்கு 8:31 · சகரியா 13:7 · அப்போஸ்தலருடைய நடபடிகள் 2:23-31 · யோவான் 2:19
24அவர்கள் கப்பர்நகூமில்வந்தபோது, வரிப்பணம் வாங்குகிறவர்கள் பேதுருவினிடத்தில்வந்து: உங்கள் போதகர் வரிப்பணம் செலுத்துகிறதில்லையா என்று கேட்டார்கள்; செலுத்துகிறார் என்றான்.
25அவன் வீட்டிற்குள் வந்தபோது, அவன் பேசுகிறதற்கு முன்னமே இயேசு அவனை நோக்கி: சீமோனே, உனக்கு எப்படித் தோன்றுகிறது? பூமியின் ராஜாக்கள் தீர்வையையும் வரியையும் தங்கள் பிள்ளைகளிடத்திலோ, அந்நியரிடத்திலோ, யாரிடத்தில் வாங்குகிறார்கள் என்று கேட்டார்.
Relatedமத்தேயு 22:21 · ரோமர் 13:6-7 · மத்தேயு 22:17 · மத்தேயு 22:19 · I சாமுவேல் 17:25 · மத்தேயு 3:15
26அதற்குப் பேதுரு: அந்நியரிடத்தில் வாங்குகிறார்கள் என்றான். இயேசு அவனை நோக்கி: அப்படியானால் பிள்ளைகள் அதைச் செலுத்தவேண்டுவதில்லையே.
27ஆகிலும், நாம் அவர்களுக்கு இடறலாயிராதபடிக்கு, நீ கடலுக்குப் போய், தூண்டில்போட்டு, முதலாவது அகப்படுகிற மீனைப் பிடித்து, அதின் வாயைத் திறந்துபார்; ஒரு வெள்ளிப்பணத்தைக் காண்பாய்; அதை எடுத்து எனக்காகவும் உனக்காகவும் அவர்களிடத்தில் கொடு என்றார்.
📖 மத்தேயுAll 28 chapters of this book
📚 Whole Bible66 books • 1,189 chapters
💻 Church SoftwareOffline Bible + 16,337 songs — free
🎵 Tamil Christian Songs16,337 lyrics & chords
Translation: Tamil Old Version (BSI) — 1957, and the World English Bible (public domain).