NITHYAM SONGSபிரசங்கி 10
Tamil Bible (BSI 1957) • 20 verses
1செத்த ஈக்கள் தைலக்காரனுடைய பரிமளதைலத்தை நாறிக் கெட்டுப்போகப்பண்ணும்; ஞானத்திலும் கனத்திலும் பேர்பெற்றவனைச் சொற்ப மதியீனமும் அப்படியே செய்யும்.
Relatedமத்தேயு 5:13-16 · கலாத்தியர் 2:12-14 · நெகேமியா 13:26 · யாத்திராகமம் 30:25 · II நாளாகமம் 19:2 · யாத்திராகமம் 30:34-35
2ஞானியின் இருதயம் வலதுகையிலும், மூடனின் இருதயமோ இடதுகையிலும் இருக்கும்.
Relatedலூக்கா 12:18-20 · பிரசங்கி 10:14 · லூக்கா 14:28-32 · நீதிமொழிகள் 14:8 · பிரசங்கி 10:10 · நீதிமொழிகள் 17:16
3மூடன் வழியிலே நடக்கிறபோதும் மதிகெட்டவனாயிருக்கிறான்; தான் மூடனென்று அவன் எல்லாருக்கும் சொல்லுகிறான்.
4அதிபதியின் கோபம் உன்மேல் எழும்பினால் உன் ஸ்தானத்தை விட்டு விலகாதே; இணங்குதல் பெரிய குற்றங்களையும் அமர்த்திப்போடும்.
5நான் சூரியனுக்குக்கீழே கண்ட ஒரு தீங்குண்டு, அது அதிபதியினிடத்தில் தோன்றும் தப்பிதமே.
6மூடர் மகா உயர்ந்த நிலையில் வைக்கப்படுகிறார்கள்; சீமான்களோ தாழ்ந்த நிலையில் உட்கார்ந்திருக்கிறார்கள்.
Relatedநீதிமொழிகள் 28:12 · நீதிமொழிகள் 29:2 · சங்கீதம் 12:8 · எஸ்தர் 3:1 · I இராஜாக்கள் 12:13-14 · நீதிமொழிகள் 28:28
7வேலைக்காரர் குதிரைகள்மேல் ஏறிப்போகிறதையும், பிரபுக்கள் வேலைக்காரர்போல் தரையிலே நடக்கிறதையும் கண்டேன்.
8படுகுழியை வெட்டுகிறவன் அதிலே விழுவான்; அடைப்பைப் பிடுங்குகிறவனைப் பாம்பு கடிக்கும்.
Relatedநீதிமொழிகள் 26:27 · சங்கீதம் 7:15-16 · ஆமோஸ் 5:19 · எஸ்தர் 7:10 · ஆமோஸ் 9:3 · சங்கீதம் 9:15-16
9கல்லுகளைப் பெயர்க்கிறவன் அவைகளால் காயப்படுவான்; மரத்தைப் பிளக்கிறவன் அதினால் மோசப்படுவான்.
10இருப்பு ஆயுதம் மழுங்கலாயிருக்க, அதை ஒருவன் தீட்டாமற்போனால், அதிக பலத்தைப் பிரயோகம்பண்ணவேண்டியதாகும்; ஆகையால் ஒரு காரியத்தைச் செவ்வையாய்ச் செய்வதற்கு ஞானமே பிரதானம்.
Relatedயாக்கோபு 1:5 · கொலோசெயர் 4:5 · பிரசங்கி 10:15 · I கொரிந்தியர் 14:20 · எபேசியர் 5:15-17 · I இராஜாக்கள் 3:9
11தடைகட்டப்படாத பாம்பு கடிக்குமே, அலப்புவாயனும் அதற்கு ஒப்பானவன்.
Relatedசங்கீதம் 58:4-5 · எரேமியா 8:17 · சங்கீதம் 64:3 · சங்கீதம் 52:2 · யாக்கோபு 3:6 · நீதிமொழிகள் 18:21
12ஞானியினுடைய வாய்மொழிகள் தயையுள்ளவைகள்; மூடனுடைய உதடுகளோ அவனையே விழுங்கும்.
Relatedகொலோசெயர் 4:6 · லூக்கா 4:22 · நீதிமொழிகள் 22:11 · நீதிமொழிகள் 15:2 · எபேசியர் 4:29 · நீதிமொழிகள் 10:20-21
13அவன் வாய்மொழிகளின் துவக்கம் மதியீனமும், அவன் வாக்கின் முடிவு கொடிய பைத்தியமுமாம்.
RelatedI சாமுவேல் 25:10-11 · நீதிமொழிகள் 29:9 · லூக்கா 11:38 · I சாமுவேல் 22:16-18 · லூக்கா 11:53-54 · லூக்கா 6:11
14மூடன் மிகுதியாய்ப் பேசுகிறான், நடக்கப்போகிறது இன்னதென்று மனுஷன் அறியான்; தனக்குப்பிற்பாடு சம்பவிக்கப்போகிறதை அவனுக்கு அறிவிப்பவன் யார்?
Relatedநீதிமொழிகள் 15:2 · பிரசங்கி 6:12 · பிரசங்கி 5:3 · யாக்கோபு 4:13-14 · பிரசங்கி 8:7 · பிரசங்கி 3:22
15ஊருக்குப் போகும் வழியை மூடன் அறியாததினால், அவன் தொல்லை ஒவ்வொருவரையும் இளைக்கப்பண்ணும்.
Relatedஏசாயா 57:1 · எரேமியா 50:4-5 · ஏசாயா 35:8-10 · சங்கீதம் 107:7 · சங்கீதம் 107:4 · பிரசங்கி 10:3
16ராஜா சிறுபிள்ளையுமாய், பிரபுக்கள் அதிகாலமே உண்கிறவர்களுமாயிருக்கப்பட்ட தேசமே, உனக்கு ஐயோ!
Relatedஏசாயா 3:12 · ஏசாயா 5:11-12 · ஏசாயா 3:4-5 · நீதிமொழிகள் 20:1-2 · II நாளாகமம் 13:7 · எரேமியா 21:12
17ராஜா குலமகனுமாய், பிரபுக்கள் வெறிக்க உண்ணாமல் பெலன்கொள்ள ஏற்றவேளையில் உண்கிறவர்களுமாயிருக்கப்பட்ட தேசமே, நீ பாக்கியமுள்ளது.
Relatedநீதிமொழிகள் 31:4-5 · ஏசாயா 5:11 · எரேமியா 30:21 · பிரசங்கி 10:6-7 · நீதிமொழிகள் 28:2-3 · உபாகமம் 14:26
18மிகுந்த சோம்பலினால் மேல்மச்சுப் பழுதாகும்; கைகளின் நெகிழ்வினாலே வீடு ஒழுக்காகும்.
Relatedநீதிமொழிகள் 14:1 · நீதிமொழிகள் 20:4 · நீதிமொழிகள் 24:30-34 · நீதிமொழிகள் 23:21 · எபிரெயர் 6:11 · நீதிமொழிகள் 21:25
19விருந்து சந்தோஷத்துக்கென்று செய்யப்படும்; திராட்சரசம் ஜீவனுள்ளோரைக் களிப்பாக்கும்; பணமோ எல்லாவற்றிற்கும் உதவும்.
Relatedசங்கீதம் 104:15 · பிரசங்கி 2:1-2 · பிரசங்கி 7:11-12 · ஏசாயா 24:11 · சங்கீதம் 112:9 · ஏசாயா 23:18
20ராஜாவை உன் மனதிலும் நிந்தியாதே, ஐசுவரியவானை உன் படுக்கையிலும் நிந்தியாதே; ஆகாயத்துப்பறவை அந்தச் சத்தத்தைக் கொண்டுபோகும், செட்டைகளுள்ளது அந்தச் செய்தியை அறிவிக்கும்.
📖 பிரசங்கிAll 12 chapters of this book
📚 Whole Bible66 books • 1,189 chapters
💻 Church SoftwareOffline Bible + 16,337 songs — free
🎵 Tamil Christian Songs16,337 lyrics & chords
Translation: Tamil Old Version (BSI) — 1957, and the World English Bible (public domain).