NITHYAM SONGSநெகேமியா 4
Tamil Bible (BSI 1957) • 23 verses
1நாங்கள் அலங்கத்தைக் கட்டுகிற செய்தியைச் சன்பல்லாத் கேட்டபோது, அவன் கோபித்து, எரிச்சலடைந்து, யூதரைச் சக்கந்தம்பண்ணி:
Relatedநெகேமியா 2:10 · எபிரெயர் 11:36 · அப்போஸ்தலருடைய நடபடிகள் 5:17 · சங்கீதம் 35:15-16 · நெகேமியா 2:19 · மத்தேயு 27:29
2அந்த அற்பமான யூதர் செய்கிறது என்ன, அவர்களுக்கு இடங்கொடுக்கப்படுமோ, பலியிடுவார்களோ, ஒருநாளிலே முடித்துப்போடுவார்களோ, சுட்டெரித்துப் போடப்பட்டு மண்மேடுகளான கற்களுக்கு உயிர் கொடுப்பார்களோ, என்று தன் சகோதரருக்கும் சமாரியாவின் சேனைக்கும் முன்பாகச் சொன்னான்.
RelatedI கொரிந்தியர் 1:27 · எஸ்றா 4:9-10 · எசேக்கியேல் 37:3-13 · நெகேமியா 4:10 · சகரியா 12:8 · I சாமுவேல் 17:43-44
3அப்பொழுது அம்மோனியனாகிய தொபியா அவன் பக்கத்தில் நின்று: அவர்கள் கட்டினாலும் என்ன, ஒரு நரி ஏறிப்போனால் அவர்களுடைய கல்மதில் இடிந்துபோகும் என்றான்.
Relatedநெகேமியா 2:19 · II இராஜாக்கள் 18:23 · I இராஜாக்கள் 20:10 · நெகேமியா 2:10 · I இராஜாக்கள் 20:18 · புலம்பல் 5:18
4எங்கள் தேவனே, நாங்கள் அவமதிக்கப்படுகிறதைக் கேட்டு, அவர்கள் நிந்திக்கிற நிந்தையை அவர்கள் தலையின்மேல் திருப்பி, அவர்களைச் சிறையிருப்பின் தேசத்திலே சூறைக்கு ஒப்புக்கொடும்.
5அவர்கள் அக்கிரமத்தை மூடிப்போடாதேயும்; அவர்கள் பாவம் உமக்கு முன்பாகக் கொலைக்கப்படாதிருப்பதாக; கட்டுகிறவர்களுக்கு மனமடிவுண்டாகப் பேசினார்களே.
Relatedசங்கீதம் 109:14 · எரேமியா 18:23 · சங்கீதம் 69:27-28 · II தீமோத்தேயு 4:14 · ஏசாயா 44:22 · ஏசாயா 43:25
6நாங்கள் அலங்கத்தைக் கட்டிவந்தோம்; அலங்கமெல்லாம் பாதிமட்டும் ஒன்றாய் இணைந்து உயர்ந்தது; ஜனங்கள் வேலைசெய்கிறதற்கு ஆவலாயிருந்தார்கள்.
Relatedபிலிப்பியர் 2:13 · எபிரெயர் 13:21 · நெகேமியா 6:15 · I நாளாகமம் 29:3 · I நாளாகமம் 29:14 · I நாளாகமம் 29:17-18
7எருசலேமின் அலங்கத்தைக் கட்டுகிற வேலை வளர்ந்தேறுகிறது என்றும், இடிக்கப்பட்ட இடங்கள் அடைபட்டு வருகிறது என்றும் சன்பல்லாத்தும், தொபியாவும், அரபியரும், அம்மோனியரும், அஸ்தோத்தியரும் கேட்டபோது, அவர்கள் மிகவும் எரிச்சலாகி,
Relatedநெகேமியா 4:1 · நெகேமியா 2:10 · வெளிப்படுத்தின விசேஷம் 12:12-13 · அப்போஸ்தலருடைய நடபடிகள் 4:17-18 · வெளிப்படுத்தின விசேஷம் 12:17 · ஆமோஸ் 1:13
8எருசலேமின்மேல் யுத்தம்பண்ண எல்லாரும் ஏகமாய் வரவும், வேலையைத் தடுக்கவும் கட்டுப்பாடு பண்ணினார்கள்.
Relatedசங்கீதம் 83:3-11 · ஏசாயா 8:9-10 · சங்கீதம் 2:1-3 · எரேமியா 20:10 · அப்போஸ்தலருடைய நடபடிகள் 23:12-13
9ஆனாலும் நாங்கள் எங்கள் தேவனை நோக்கி ஜெபம்பண்ணி, அவர்கள் நிமித்தம் இரவும்பகலும் ஜாமங்காக்கிறவர்களை வைத்தோம்.
RelatedI பேதுரு 5:8 · அப்போஸ்தலருடைய நடபடிகள் 4:24-30 · சங்கீதம் 50:15 · மத்தேயு 26:41 · லூக்கா 21:36 · லூக்கா 6:11-12
10அப்பொழுது யூதா மனிதர்: சுமைகாரரின் பெலன் குறைந்துபோகிறது; மண்மேடு மிச்சமாயிருக்கிறது; நாங்கள் அலங்கத்தைக் கட்டக்கூடாது என்றார்கள்.
Relatedஎண்ணாகமம் 13:31 · எசேக்கியேல் 29:18 · II நாளாகமம் 2:18 · எண்ணாகமம் 32:9 · ஆகாய் 1:2 · சங்கீதம் 11:1-2
11எங்கள் சத்துருக்களோவென்றால்; நாங்கள் அவர்கள் நடுவே வந்து, அவர்களைக் கொன்றுபோடுமட்டும், அவர்கள் அதை அறியாமலும் பாராமலும் இருக்கவேண்டும்; இவ்விதமாய் அந்த வேலையை ஓயப்பண்ணுவோம் என்றார்கள்.
Relatedஅப்போஸ்தலருடைய நடபடிகள் 23:12 · ஏசாயா 47:11 · II சாமுவேல் 17:2 · அப்போஸ்தலருடைய நடபடிகள் 23:21 · சங்கீதம் 56:6 · I தெசலோனிக்கேயர் 5:2
12அதை அவர்களண்டையிலே குடியிருக்கிற யூதரும், பல இடங்களிலுமிருந்து எங்களிடத்துக்கு வந்து, பத்துவிசை எங்களுக்குச் சொன்னார்கள்.
13அப்பொழுது நான்: அலங்கத்துக்குப் பின்னாக இருக்கிற பள்ளமான இடங்களிலும் மேடுகளிலும், பட்டயங்களையும், ஈட்டிகளையும், வில்லுகளையும் பிடித்திருக்கிற ஜனங்களைக் குடும்பங்குடும்பமாக நிறுத்தினேன்.
Relatedஎபேசியர் 6:11-20 · நெகேமியா 4:17-18 · சங்கீதம் 112:5 · மத்தேயு 10:16 · ஆதியாகமம் 32:13-20 · உன்னதப்பாட்டு 3:7-8
14அதை நான் பார்த்து எழும்பி, பிரபுக்களையும், அதிகாரிகளையும் மற்ற ஜனங்களையும் நோக்கி: அவர்களுக்குப் பயப்படாதிருங்கள்; நீங்கள் மகத்துவமும் பயங்கரமுமான ஆண்டவரை நினைத்து, உங்கள் சகோதரருக்காகவும், உங்கள் குமாரருக்காகவும், உங்கள் குமாரத்திகளுக்காகவும், உங்கள் மனைவிகளுக்காகவும், உங்கள் வீடுகளுக்காகவும் யுத்தம்பண்ணுங்கள் என்றேன்.
RelatedII சாமுவேல் 10:12 · எண்ணாகமம் 14:9 · ஏசாயா 41:10-14 · எபிரெயர் 13:6 · சங்கீதம் 66:3 · மத்தேயு 10:28
15எங்களுக்குச் செய்தி தெரியவந்ததென்றும், தேவன் அவர்கள் ஆலோசனையை அபத்தமாக்கினாரென்றும், எங்கள் பகைஞர் கேட்டபோது, நாங்கள் எல்லாரும் அவரவர் தங்கள் வேலையைச் செய்ய அலங்கத்துக்குத் திரும்பினோம்.
RelatedII சாமுவேல் 17:14 · ரோமர் 12:11 · சங்கீதம் 33:10-11 · ஏசாயா 44:25 · யோபு 5:12-13 · ஏசாயா 8:10
16அன்றுமுதற்கொண்டு என் வேலைக்காரரில் பாதிப்பேர் வேலை செய்தார்கள், பாதிப்பேர் ஈட்டிகளையும் பரிசைகளையும் வில்லுகளையும் கவசங்களையும் பிடித்து நின்றார்கள்; அதிகாரிகள் யூதா வம்சத்தார் எல்லாருக்கும் பின்னாக நின்றார்கள்.
17அலங்கத்திலே கட்டுகிறவர்களும், சுமைசுமைக்கிறவர்களும், சுமையேற்றுகிறவர்களும், அவரவர் ஒரு கையினாலே வேலைசெய்து, மறுகையினாலே ஆயுதம் பிடித்திருந்தார்கள்.
RelatedII தீமோத்தேயு 2:3 · II தீமோத்தேயு 4:7 · II கொரிந்தியர் 6:7 · எபேசியர் 6:11-20 · பிலிப்பியர் 1:28 · I கொரிந்தியர் 16:9
18கட்டுகிறவர்கள் அவரவர் தங்கள் பட்டயத்தைத் தங்கள் இடுப்பிலே கட்டிக்கொண்டவர்களாய் வேலைசெய்தார்கள்; எக்காளம் ஊதுகிறவன் என்னண்டையிலே நின்றான்.
19நான் பிரபுக்களையும் அதிகாரிகளையும் மற்ற ஜனங்களையும் நோக்கி: வேலை பெரிதும் விஸ்தாரமுமாயிருக்கிறது; நாம் அலங்கத்தின்மேல் சிதறப்பட்டு ஒருவருக்கு ஒருவர் தூரமாயிருக்கிறோம்.
20நீங்கள் எவ்விடத்திலே எக்காளச் சத்தத்தைத் கேட்கிறீர்களோ அவ்விடத்திலே வந்து, எங்களோடே கூடுங்கள்; நம்முடைய தேவன் நமக்காக யுத்தம்பண்ணுவார் என்றேன்.
21இப்படியே நாங்கள் வேலைசெய்துகொண்டிருந்தோம்; அவர்களிலே பாதிப்பேர் கிழக்கு வெளுக்கும் நேரமுதல் நட்சத்திரங்கள் காணுமட்டும் ஈட்டிகளைப் பிடித்திருந்தார்கள்.
22அக்காலத்திலே நான் ஜனங்களைப் பார்த்து: இராமாறு நமக்குக் காவலுக்கும் பகல்மாறு வேலைக்கும் உதவ, அவரவர் தங்கள் வேலைக்காரரோடுங்கூட எருசலேமுக்குள்ளே இராத்தங்கக்கடவர்கள் என்று சொல்லி,
Relatedநெகேமியா 11:1-2
23நானாகிலும், என் சகோதரராகிலும், என் வேலைக்காரராகிலும், என்னைப் பின்பற்றி காவல்காக்கிற சேவகராகிலும் எங்கள் வஸ்திரங்களைக் களைந்துபோடாதிருந்தோம்; அவரவருக்கு ஆயுதமும் தண்ணீரும் இருந்தது.
📖 நெகேமியாAll 13 chapters of this book
📚 Whole Bible66 books • 1,189 chapters
💻 Church SoftwareOffline Bible + 16,337 songs — free
🎵 Tamil Christian Songs16,337 lyrics & chords
Translation: Tamil Old Version (BSI) — 1957, and the World English Bible (public domain).