NITHYAM SONGSயாத்திராகமம் 7
Tamil Bible (BSI 1957) • 25 verses
1கர்த்தர் மோசேயை நோக்கி: பார், உன்னை நான் பார்வோனுக்கு தேவனாக்கினேன்; உன் சகோதரனாகிய ஆரோன் உன் தீர்க்கதரிசியாயிருப்பான்.
Relatedயாத்திராகமம் 4:15-16 · சங்கீதம் 82:6 · யோவான் 10:35-36 · எரேமியா 1:10 · I இராஜாக்கள் 17:23 · II இராஜாக்கள் 6:32
2நான் உனக்குக் கட்டளையிடும் யாவையும் நீ சொல்லவேண்டும்; பார்வோன் இஸ்ரவேல் புத்திரரைத் தன் தேசத்திலிருந்து அனுப்பிவிடும்படி உன் சகோதரனாகிய ஆரோன் அவனிடத்தில் பேசவேண்டும்.
Relatedயாத்திராகமம் 4:15 · மத்தேயு 28:20 · எசேக்கியேல் 3:10 · உபாகமம் 4:2 · எசேக்கியேல் 3:17 · அப்போஸ்தலருடைய நடபடிகள் 20:27
3நான் பார்வோனின் இருதயத்தைக் கடினப்படுத்தி, எகிப்துதேசத்தில் என் அடையாளங்களையும் அற்புதங்களையும் மிகுதியாய் நடப்பிப்பேன்.
Relatedயாத்திராகமம் 4:21 · யாத்திராகமம் 11:9 · சங்கீதம் 78:43-51 · சங்கீதம் 135:9 · சங்கீதம் 105:27-36 · ரோமர் 15:19
4பார்வோன் உங்களுக்குச் செவிகொடுக்கமாட்டான்; ஆகையால் எகிப்துக்கு விரோதமாக நான் என் கையை நீட்டி, மகா தண்டனையினால் என் சேனைகளும் என் ஜனங்களுமாகிய இஸ்ரவேல் புத்திரரை எகிப்து தேசத்திலிருந்து புறப்படப்பண்ணுவேன்.
Relatedயாத்திராகமம் 6:6 · யாத்திராகமம் 11:9 · யாத்திராகமம் 12:51 · புலம்பல் 3:3 · நீதிமொழிகள் 19:29 · எசேக்கியேல் 14:21
5நான் எகிப்தின்மேல் என் கையை நீட்டி, இஸ்ரவேல் புத்திரரை அவர்கள் நடுவிலிருந்து புறப்படப்பண்ணும்போது, நானே கர்த்தர் என்று எகிப்தியர் அறிவார்கள் என்றார்.
Relatedயாத்திராகமம் 14:18 · யாத்திராகமம் 8:22 · யாத்திராகமம் 7:17 · யாத்திராகமம் 14:4 · யாத்திராகமம் 3:20 · எசேக்கியேல் 25:17
6மோசேயும் ஆரோனும் கர்த்தர் தங்களுக்குக் கட்டளையிட்டபடியே செய்தார்கள்.
Relatedயாத்திராகமம் 7:2 · யாத்திராகமம் 7:10 · ஆதியாகமம் 6:22 · ஆதியாகமம் 22:18 · யாத்திராகமம் 40:16 · யாத்திராகமம் 12:28
7அவர்கள் பார்வோனோடே பேசும்போது, மோசேக்கு எண்பது வயதும், ஆரோனுக்கு எண்பத்துமூன்று வயதுமாயிருந்தது.
Relatedஉபாகமம் 34:7 · அப்போஸ்தலருடைய நடபடிகள் 7:23 · அப்போஸ்தலருடைய நடபடிகள் 7:30 · உபாகமம் 31:2 · உபாகமம் 29:5 · சங்கீதம் 90:10
8கர்த்தர் மோசேயையும் ஆரோனையும் நோக்கி:
9உங்கள் பட்சத்திற்கு ஒரு அற்புதம் காட்டுங்கள் என்று பார்வோன் உங்களோடே சொன்னால்; அப்பொழுது நீ ஆரோனை நோக்கி: உன் கோலை எடுத்து அதைப் பார்வோனுக்கு முன்பாகப்போடு என்பாயாக; அது சர்ப்பமாகும் என்றார்.
Relatedஏசாயா 7:11 · யோவான் 2:18 · யாத்திராகமம் 4:2 · யோவான் 6:30 · யாத்திராகமம் 4:17 · யாத்திராகமம் 10:13
10மோசேயும் ஆரோனும் பார்வோனிடத்தில் போய், கர்த்தர் தங்களுக்குக் கட்டளையிட்டபடி செய்தார்கள். ஆரோன் பார்வோனுக்கு முன்பாகவும், அவன் ஊழியக்காரருக்கு முன்பாகவும் தன் கோலைப் போட்டான், அது சர்ப்பமாயிற்று.
11அப்பொழுது பார்வோன் சாஸ்திரிகளையும் சூனியக்காரரையும் அழைப்பித்தான். எகிப்தின் மந்திரவாதிகளும் தங்கள் மந்திரவித்தையினால் அப்படிச் செய்தார்கள்.
Relatedயாத்திராகமம் 7:22 · II தீமோத்தேயு 3:8 · யாத்திராகமம் 8:18 · யாத்திராகமம் 8:7 · தானியேல் 2:2 · ஆதியாகமம் 41:8
12அவர்கள் ஒவ்வொருவனாகத் தன்தன் கோலைப் போட்டபோது, அவைகள் சர்ப்பங்களாயின; ஆரோனுடைய கோலோ அவர்களுடைய கோல்களை விழுங்கிற்று.
RelatedI யோவான் 4:4 · யாத்திராகமம் 8:18-19 · யாத்திராகமம் 9:11 · அப்போஸ்தலருடைய நடபடிகள் 13:8-11 · அப்போஸ்தலருடைய நடபடிகள் 19:19-20 · அப்போஸ்தலருடைய நடபடிகள் 8:9-13
13கர்த்தர் சொல்லியிருந்தபடி பார்வோனின் இருதயம் கடினப்பட்டது, அவர்களுக்குச் செவிகொடாமற் போனான்.
Relatedயாத்திராகமம் 4:21 · யாத்திராகமம் 8:15 · சகரியா 7:11-12 · ரோமர் 2:5 · எபிரெயர் 3:7-8 · யாத்திராகமம் 10:27
14அப்பொழுது கர்த்தர் மோசேயை நோக்கி: பார்வோனின் இருதயம் கடினமாயிற்று; ஜனங்களை விடமாட்டேன் என்கிறான்.
Relatedயாத்திராகமம் 10:1 · யாத்திராகமம் 10:20 · யாத்திராகமம் 10:27 · யாத்திராகமம் 8:15 · எபிரெயர் 12:25 · சகரியா 7:12
15காலமே நீ பார்வோனிடத்துக்குப் போ, அவன் நதிக்குப் புறப்பட்டு வருவான்; நீ அவனுக்கு எதிராக நதியோரத்திலே நின்று, சர்ப்பமாக மாறின கோலை உன் கையிலே பிடித்துக்கொண்டு,
Relatedயாத்திராகமம் 8:20 · யாத்திராகமம் 7:10 · யாத்திராகமம் 2:5 · எசேக்கியேல் 29:3 · யாத்திராகமம் 4:2-4
16அவனை நோக்கி: வனாந்தரத்தில் எனக்கு ஆராதனைசெய்ய என் ஜனங்களை அனுப்பிவிடவேண்டும் என்று சொல்லும்படி எபிரெயருடைய தேவனாகிய கர்த்தர் என்னை உம்மிடத்துக்கு அனுப்பியும், இது வரைக்கும் நீர் கேளாமற்போனீர்.
Relatedயாத்திராகமம் 3:18 · யாத்திராகமம் 9:1 · யாத்திராகமம் 9:13 · யாத்திராகமம் 3:12 · யாத்திராகமம் 5:1-3 · யாத்திராகமம் 14:5
17இதோ, என் கையில் இருக்கிற கோலினால் நதியில் இருக்கிற தண்ணீர்மேல் அடிப்பேன்; அப்பொழுது அது இரத்தமாய் மாறி,
Relatedயாத்திராகமம் 4:9 · யாத்திராகமம் 5:2 · யாத்திராகமம் 7:5 · எசேக்கியேல் 39:28 · சங்கீதம் 9:16 · எசேக்கியேல் 38:23
18நதியில் இருக்கிற மீன்கள் செத்து, நதி நாறிப்போம்; அப்பொழுது நதியில் இருக்கிற தண்ணீரை எகிப்தியர் குடிக்கக்கூடாமல் அரோசிப்பார்கள்; இதினால் நானே கர்த்தர் என்பதை அறிந்துகொள்வாய் என்று கர்த்தர் சொல்லுகிறார் என்று சொல் என்றார்.
19மேலும், கர்த்தர் மோசேயை நோக்கி: நீ ஆரோனிடத்தில் உன் கோலை எடுத்துக்கொண்டு எகிப்தின் நீர்நிலைகளாகிய அவர்கள் வாய்க்கால்கள்மேலும், நதிகள்மேலும், குளங்கள்மேலும், தண்ணீர் நிற்கிற எல்லா இடங்கள்மேலும், அவைகள் இரத்தமாகும்படிக்கு, உன் கையை நீட்டு; அப்பொழுது எகிப்து தேசம் எங்கும் மரப்பாத்திரங்களிலும், கற்பாத்திரங்களிலும் இரத்தம் உண்டாயிருக்கும் என்று சொல் என்றார்.
Relatedயாத்திராகமம் 14:21 · யாத்திராகமம் 14:26 · யாத்திராகமம் 10:21 · யாத்திராகமம் 10:12 · யாத்திராகமம் 8:16 · யாத்திராகமம் 8:5-6
20கர்த்தர் கட்டளையிட்டபடி மோசேயும் ஆரோனும் செய்தார்கள்; பார்வோனுடைய கண்களுக்கு முன்பாகவும், அவன் ஊழியக்காரரின் கண்களுக்கு முன்பாகவும் கோலை ஓங்கி, நதியிலுள்ள தண்ணீரை அடிக்க, நதியிலுள்ள தண்ணீரெல்லாம் இரத்தமாய் மாறிப்போயிற்று.
Relatedசங்கீதம் 78:44 · சங்கீதம் 105:29 · யாத்திராகமம் 17:9-12 · யோவான் 2:9-11 · எண்ணாகமம் 20:8-12 · வெளிப்படுத்தின விசேஷம் 8:8
21நதியின் மீன்கள் செத்து, நதி நாறிப்போயிற்று; நதியின் தண்ணீரைக் குடிக்க எகிப்தியருக்குக் கூடாமற்போயிற்று; எகிப்து தேசம் எங்கும் இரத்தமாயிருந்தது.
22எகிப்தின் மந்திரவாதிகளும் தங்கள் மந்திரவித்தையினால் அப்படிச் செய்தார்கள்; கர்த்தர் சொல்லியிருந்தபடி பார்வோனின் இருதயம் கடினப்பட்டது; அவர்களுக்குச் செவிகொடாமற்போனான்.
23பார்வோன் இதையும் சிந்தியாமல், தன் வீட்டிற்குத் திரும்பிப்போனான்.
Relatedஎசேக்கியேல் 40:4 · நீதிமொழிகள் 29:1 · யாத்திராகமம் 9:21 · நீதிமொழிகள் 22:17 · மல்கியா 2:2 · எரேமியா 5:3
24நதியின் தண்ணீர் குடிக்க உதவாதபடியால், குடிக்கத்தக்க தண்ணீருக்காக எகிப்தியர் எல்லாரும் நதியோரத்தில் ஊற்றுத் தோண்டினார்கள்.
25கர்த்தர் நதியை அடித்து ஏழுநாள் ஆயிற்று.
📖 யாத்திராகமம்All 40 chapters of this book
📚 Whole Bible66 books • 1,189 chapters
💻 Church SoftwareOffline Bible + 16,337 songs — free
🎵 Tamil Christian Songs16,337 lyrics & chords
Translation: Tamil Old Version (BSI) — 1957, and the World English Bible (public domain).