NITHYAM SONGSவெளிப்படுத்தின விசேஷம் 8
Tamil Bible (BSI 1957) • 13 verses
1அவர் ஏழாம் முத்திரையை உடைத்தபோது, பரலோகத்தில் ஏறக்குறைய அரைமணிநேரமளவும் அமைதல் உண்டாயிற்று.
Relatedசகரியா 2:13 · ஆபகூக் 2:20 · வெளிப்படுத்தின விசேஷம் 6:1 · சங்கீதம் 62:1 · யோபு 4:16 · வெளிப்படுத்தின விசேஷம் 6:12
2பின்பு, தேவனுக்குமுன்பாக நிற்கிற ஏழு தூதர்களையுங்கண்டேன்; அவர்களுக்கு ஏழு எக்காளங்கள் கொடுக்கப்பட்டது.
Relatedலூக்கா 1:19 · வெளிப்படுத்தின விசேஷம் 11:15 · மத்தேயு 18:10 · ஆமோஸ் 3:6-8 · வெளிப்படுத்தின விசேஷம் 8:6-9:1 · வெளிப்படுத்தின விசேஷம் 16:1
3வேறொரு தூதனும் வந்து, தூபங்காட்டும் பொற்கலசத்தைப் பிடித்துப் பலிபீடத்தின் படியிலே நின்றான்; சிங்காசனத்திற்குமுன்பாக இருந்த பொற்பீடத்தின்மேல் சகல பரிசுத்தவான்களுடைய ஜெபங்களோடும் செலுத்தும்படி மிகுந்த தூபவர்க்கம் அவனுக்குக் கொடுக்கப்பட்டது.
Relatedவெளிப்படுத்தின விசேஷம் 5:8 · வெளிப்படுத்தின விசேஷம் 8:4 · சங்கீதம் 141:2 · லூக்கா 1:10 · வெளிப்படுத்தின விசேஷம் 9:13 · மல்கியா 1:11
4அப்படியே பரிசுத்தவான்களுடைய ஜெபங்களோடும் செலுத்தப்பட்ட தூபவர்க்கத்தின் புகையானது தூதனுடைய கையிலிருந்து தேவனுக்குமுன்பாக எழும்பிற்று.
Relatedசங்கீதம் 141:2 · லூக்கா 1:10 · வெளிப்படுத்தின விசேஷம் 8:3 · யாத்திராகமம் 30:1 · வெளிப்படுத்தின விசேஷம் 15:8
5பின்பு, அந்தத் தூதன் தூபகலசத்தை எடுத்து, அதைப் பலிபீடத்து நெருப்பினால் நிரப்பி, பூமியிலே கொட்டினான்; உடனே சத்தங்களும், இடிமுழக்கங்களும், மின்னல்களும், பூமியதிர்ச்சியும் உண்டாயின.
Relatedவெளிப்படுத்தின விசேஷம் 4:5 · வெளிப்படுத்தின விசேஷம் 11:19 · அப்போஸ்தலருடைய நடபடிகள் 16:26 · ஏசாயா 29:6 · சங்கீதம் 18:13 · எசேக்கியேல் 10:2-7
6அப்பொழுது, ஏழு எக்காளங்களையுடைய ஏழு தூதர்கள் எக்காளம் ஊதுகிறதற்குத் தங்களை ஆயத்தப்படுத்தினார்கள்.
Relatedவெளிப்படுத்தின விசேஷம் 8:2
7முதலாம் தூதன் எக்காளம் ஊதினான்; அப்பொழுது இரத்தங்கலந்த கல்மழையும் அக்கினியும் உண்டாகி, பூமியிலே கொட்டப்பட்டது; அதினால் மரங்களில் மூன்றிலொருபங்கு வெந்துபோயிற்று, பசும்புல்லெல்லாம் எரிந்துபோயிற்று.
Relatedஎசேக்கியேல் 38:22 · வெளிப்படுத்தின விசேஷம் 9:4 · வெளிப்படுத்தின விசேஷம் 9:18 · வெளிப்படுத்தின விசேஷம் 9:15 · ஏசாயா 28:2 · யாத்திராகமம் 9:23-25
8இரண்டாம் தூதன் எக்காளம் ஊதினான்; அப்பொழுது அக்கினியால் எரிகிற பெரிய மலைபோன்றதொன்று சமுத்திரத்திலே போடப்பட்டது. அதனால் சமுத்திரத்தில் மூன்றிலொருபங்கு இரத்தமாயிற்று.
Relatedஎரேமியா 51:25 · யாத்திராகமம் 7:17-21 · மாற்கு 11:23 · வெளிப்படுத்தின விசேஷம் 8:7 · வெளிப்படுத்தின விசேஷம் 11:6 · வெளிப்படுத்தின விசேஷம் 16:3-21
9சமுத்திரத்திலிருந்த ஜீவனுள்ள சிருஷ்டிகளில் மூன்றிலொருபங்கு செத்துப்போயிற்று; கப்பல்களில் மூன்றிலொருபங்கு சேதமாயிற்று.
Relatedவெளிப்படுத்தின விசேஷம் 8:7 · ஏசாயா 2:16 · வெளிப்படுத்தின விசேஷம் 16:3 · வெளிப்படுத்தின விசேஷம் 8:10 · வெளிப்படுத்தின விசேஷம் 8:12 · சங்கீதம் 48:7
10மூன்றாம் தூதன் எக்காளம் ஊதினான்; அப்பொழுது ஒரு பெரிய நட்சத்திரம் தீவட்டியைப்போல எரிந்து, வானத்திலிருந்து விழுந்தது; அது ஆறுகளில் மூன்றிலொருபங்கின்மேலும், நீரூற்றுகளின்மேலும் விழுந்தது.
Relatedவெளிப்படுத்தின விசேஷம் 16:4 · ஏசாயா 14:12 · வெளிப்படுத்தின விசேஷம் 9:1 · வெளிப்படுத்தின விசேஷம் 6:13 · வெளிப்படுத்தின விசேஷம் 14:7 · வெளிப்படுத்தின விசேஷம் 12:4
11அந்த நட்சத்திரத்திற்கு எட்டியென்று பெயர்; அதினால் தண்ணீரில் மூன்றிலொருபங்கு எட்டியைப் போலக் கசப்பாயிற்று; இப்படிக் கசப்பான தண்ணீரினால் மனுஷரில் அநேகர் செத்தார்கள்.
12நான்காம் தூதன் எக்காளம் ஊதினான்; அப்பொழுது சூரியனில் மூன்றிலொரு பங்கும், சந்திரனில் மூன்றிலொருபங்கும், நட்சத்திரங்களில் மூன்றிலொருபங்கும் சேதப்பட்டது, அவற்றவற்றில் மூன்றிலொருபங்கு இருளடைந்தது; பகலிலும் மூன்றிலொருபங்கு பிரகாசமில்லாமற்போயிற்று, இரவிலும் அப்படியேயாயிற்று.
Relatedயோவேல் 2:31 · யோவேல் 2:10 · ஏசாயா 13:10 · II தெசலோனிக்கேயர் 2:9-12 · மத்தேயு 24:29 · வெளிப்படுத்தின விசேஷம் 8:7-12
13பின்பு, ஒரு தூதன் வானத்தின் மத்தியிலே பறந்துவரக்கண்டேன்; அவன் மகா சத்தமிட்டு: இனி எக்காளம் ஊதப்போகிற மற்ற மூன்று தூதருடைய எக்காளசத்தங்களினால் பூமியில் குடியிருக்கிறவர்களுக்கு ஐயோ, ஐயோ, ஐயோ (ஆபத்துவரும்) என்று சொல்லக்கேட்டேன்.
📖 வெளிப்படுத்தின விசேஷம்All 22 chapters of this book
📚 Whole Bible66 books • 1,189 chapters
💻 Church SoftwareOffline Bible + 16,337 songs — free
🎵 Tamil Christian Songs16,337 lyrics & chords
Translation: Tamil Old Version (BSI) — 1957, and the World English Bible (public domain).