NITHYAM SONGSஎண்ணாகமம் 8
Tamil Bible (BSI 1957) • 26 verses
1கர்த்தர் மோசேயை நோக்கி:
2நீ ஆரோனோடே சொல்லவேண்டியது என்னவென்றால்: நீ விளக்குகளை ஏற்றும்போது ஏழு விளக்குகளும் விளக்குத்தண்டிற்கு நேரே எரியவேண்டும் என்று சொல் என்றார்.
Relatedயாத்திராகமம் 25:37 · சங்கீதம் 119:130 · லேவியராகமம் 24:1-2 · வெளிப்படுத்தின விசேஷம் 4:5 · லேவியராகமம் 24:4 · யாத்திராகமம் 37:18-19
3கர்த்தர் மோசேக்குக் கட்டளையிட்ட பிரகாரம் ஆரோன் செய்து, விளக்குத்தண்டிற்கு நேரே ஒழுங்காக அதின் விளக்குகளை ஏற்றினான்.
4இந்தக் குத்துவிளக்கு, அதின் பாதமுதல் பூக்கள்வரைக்கும் பொன்னினால் அடிப்புவேலையாய்ச் செய்யப்பட்டிருந்தது; மோசேக்குக் காண்பித்த மாதிரியின்படியே அவன் குத்துவிளக்கை உண்டாக்கினான்.
Relatedயாத்திராகமம் 25:31-40 · யாத்திராகமம் 25:9 · யாத்திராகமம் 25:18 · யாத்திராகமம் 37:17-24 · எபிரெயர் 8:5 · I நாளாகமம் 28:11-19
5பின்னும் கர்த்தர் மோசேயை நோக்கி:
6நீ இஸ்ரவேல் சந்ததியாரினின்று லேவியரைப் பிரித்தெடுத்து, அவர்களைச் சுத்திகரிப்பாயாக.
7அவர்களைச் சுத்திகரிக்கும்படி அவர்களுக்குச் செய்யவேண்டியதாவது: அவர்கள்மேல் சுத்திகரிக்கும் ஜலத்தைத் தெளிப்பாயாக; பின்பு அவர்கள் சர்வாங்க சவரம்பண்ணி, தங்கள் வஸ்திரங்களைத் தோய்த்து, தங்களைச் சுத்திகரிக்கக்கடவர்கள்.
Relatedலேவியராகமம் 8:6 · எண்ணாகமம் 19:7-10 · எண்ணாகமம் 19:13 · ஆதியாகமம் 35:2 · யாத்திராகமம் 19:10 · லேவியராகமம் 15:27
8அப்பொழுது ஒரு காளையையும், அதற்கேற்ற எண்ணெயிலே பிசைந்த மெல்லியமாவாகிய போஜனபலியையும் கொண்டுவரக்கடவர்கள்; பாவநிவாரணபலியாக வேறொரு காளையையும் நீ வாங்கி.
Relatedலேவியராகமம் 2:1 · யாத்திராகமம் 29:1 · லேவியராகமம் 8:2 · II கொரிந்தியர் 5:21 · யாத்திராகமம் 29:3 · லேவியராகமம் 1:3
9லேவியரை ஆசரிப்புக்கூடாரத்துக்கு முன் வரச்செய்து, இஸ்ரவேல் புத்திரரின் சபையார் எல்லாரையும் கூடிவரப்பண்ணுவாயாக.
10நீ லேவியரைக் கர்த்தருடைய சந்நிதியில் வரப்பண்ணினபோது, இஸ்ரவேல் புத்திரர் தங்கள் கைகளை லேவியர்மேல் வைக்கக்கடவர்கள்.
Relatedலேவியராகமம் 1:4 · அப்போஸ்தலருடைய நடபடிகள் 6:6 · I தீமோத்தேயு 4:14 · அப்போஸ்தலருடைய நடபடிகள் 13:2-3 · I தீமோத்தேயு 5:22 · எண்ணாகமம் 3:45
11லேவியர் கர்த்தருக்குரிய பணிவிடை செய்யும்பொருட்டு, ஆரோன் அவர்களை இஸ்ரவேல் புத்திரரின் காணிக்கையாகக் கர்த்தருக்கு முன்பாக அசைவாட்டப்படும் காணிக்கையாய் நிறுத்தக்கடவன்.
Relatedலேவியராகமம் 7:30 · யாத்திராகமம் 29:24 · லேவியராகமம் 8:27 · லேவியராகமம் 8:29 · எண்ணாகமம் 6:20 · எண்ணாகமம் 3:5-43
12அதன்பின் லேவியர் தங்கள் கைகளைக் காளைகளுடைய தலையின்மேல் வைப்பார்களாக; பின்பு நீ லேவியருக்காகப் பாவநிவிர்த்தி செய்யும்பொருட்டு, கர்த்தருக்கு அவைகளில் ஒன்றைப் பாவநிவாரணபலியாகவும், மற்றொன்றைச் சர்வாங்கதகனபலியாகவும் செலுத்தி,
Relatedஎபிரெயர் 10:4-10 · யாத்திராகமம் 29:10 · எபிரெயர் 9:22 · லேவியராகமம் 1:4 · லேவியராகமம் 8:14 · எண்ணாகமம் 8:8
13லேவியரை ஆரோனுக்கும் அவன் குமாரனுக்கும் முன்பாக நிறுத்தி, அவர்களைக் கர்த்தருக்கு அசைவாட்டப்படும் காணிக்கையாக்கி,
14இப்படி நீ லேவியரை இஸ்ரவேல் புத்திரரிலிருந்து பிரித்தெடுக்கக்கடவாய்; லேவியர் என்னுடையவர்களாயிருப்பார்கள்.
Relatedஎண்ணாகமம் 18:6 · எண்ணாகமம் 3:45 · மல்கியா 3:17 · எண்ணாகமம் 16:9-10 · எண்ணாகமம் 8:17 · உபாகமம் 10:8
15இப்படி அவர்களைச் சுத்திகரித்து, அவர்களை அசைவாட்டும் காணிக்கையாக்கக்கடவாய்; அதன்பின்பு லேவியர் ஆசரிப்புக்கூடாரத்தில் பணிவிடை செய்யப் பிரவேசிக்கக்கடவர்கள்.
Relatedஎண்ணாகமம் 8:11 · எண்ணாகமம் 8:13 · எண்ணாகமம் 3:12 · எண்ணாகமம் 4:3-32 · யாத்திராகமம் 29:24 · I நாளாகமம் 23:1-32
16இஸ்ரவேல் புத்திரரிலிருந்து அவர்கள் எனக்கு முற்றிலும் கொடுக்கப்பட்டிருக்கிறார்கள்; இஸ்ரவேல் புத்திரர் எல்லாரிலும் கர்ப்பந்திறந்து பிறக்கிற சகல முதற்பேறுக்கும் பதிலாக அவர்களை எனக்கு எடுத்துக்கொண்டேன்.
17இஸ்ரவேல் புத்திரரில் மனிதரிலும் மிருகஜீவன்களிலும் முதற்பேறானதெல்லாம் என்னுடையது; நான் எகிப்துதேசத்திலே முதற்பேறான யாவையும் சங்கரித்த நாளிலே அவைகளை எனக்கென்று பரிசுத்தப்படுத்தி,
Relatedயாத்திராகமம் 13:2 · லூக்கா 2:23 · யாத்திராகமம் 13:12-15 · சங்கீதம் 135:8 · சங்கீதம் 78:51 · லேவியராகமம் 27:26
18பின்பு லேவியரை இஸ்ரவேல் புத்தரரிலுள்ள முதற்பேறு சகலத்திற்கும் பதிலாக எடுத்துக்கொண்டு,
19லேவியர் இஸ்ரவேல் புத்திரருடைய பணிவிடையை ஆசரிப்புக்கூடாரத்தில் செய்யும்படிக்கும், இஸ்ரவேல் புத்திரருக்காகப் பாவநிவிர்த்தி செய்யும்படிக்கும், இஸ்ரவேல் புத்திரர் தாங்களே பரிசுத்த ஸ்தலத்தில் சேருகிறதினால் இஸ்ரவேல் புத்திரரில் வாதையுண்டாகாதபடிக்கும், லேவியரை அவர்களிலிருந்து எடுத்து, ஆரோனுக்கும் அவன் குமாரருக்கும் தத்தமாகக் கொடுத்தேன் என்றார்.
Relatedஎண்ணாகமம் 1:53 · எண்ணாகமம் 16:46 · II நாளாகமம் 26:16-20 · எசேக்கியேல் 44:11-14 · I நாளாகமம் 23:28-32 · I சாமுவேல் 6:19
20அப்பொழுது மோசேயும் ஆரோனும் இஸ்ரவேல் புத்திரரின் சபையார் யாவரும் கர்த்தர் லேவியரைக்குறித்து மோசேக்குக் கட்டளையிட்டபடியெல்லாம் லேவியருக்குச் செய்தார்கள்.
21லேவியர் சுத்திகரிக்கப்பட்டு, தங்கள் வஸ்திரங்களைத் தோய்த்தார்கள்; பின்பு ஆரோன் அவர்களைக் கர்த்தருக்கு முன்பாக அசைவாட்டும் காணிக்கையாக நிறுத்தி, அவர்களைச் சுத்திகரிக்க அவர்களுக்காகப் பாவநிவிர்த்தி செய்தான்.
Relatedஎண்ணாகமம் 8:7 · எண்ணாகமம் 8:15 · எண்ணாகமம் 8:11-13 · எண்ணாகமம் 19:19 · எண்ணாகமம் 19:12 · எண்ணாகமம் 3:12
22அதற்குப்பின்பு லேவியர் ஆரோனுக்கும் அவன் குமாரருக்கும் முன்பாக ஆசரிப்புக்கூடாரத்தில் தங்கள் பணிவிடையைச் செய்யும்படி பிரவேசித்தார்கள்; கர்த்தர் லேவியரைக்குறித்து மோசேக்குக் கட்டளையிட்டபடியே அவர்களுக்குச் செய்தார்கள்.
RelatedII நாளாகமம் 30:27 · எண்ணாகமம் 8:15 · II நாளாகமம் 30:15-17 · II நாளாகமம் 35:8-15 · II நாளாகமம் 31:2
23பின்னும் கர்த்தர் மோசேயை நோக்கி:
24லேவியருக்குரிய கட்டளை என்னவென்றால்: இருபத்தைந்து வயதுமுதல் அதற்கு மேற்பட்ட வயதுள்ள யாவரும் ஆசரிப்புக்கூடாரத்தின் பணிவிடையைச் செய்யும் சேனையிலே சேவிக்க வரவேண்டும்.
Relatedஎண்ணாகமம் 4:3 · I நாளாகமம் 23:3 · எண்ணாகமம் 4:23 · I கொரிந்தியர் 9:7 · I நாளாகமம் 23:24-27 · II கொரிந்தியர் 10:4
25ஐம்பது வயதுக்கு மேற்பட்டவர்கள் வேலைசெய்யாமல் திருப்பணி சேனையை விட்டு,
26ஆசரிப்புக்கூடாரத்தின் காவலைக்காக்கிறதற்குத் தங்கள் சகோதரரோடேகூட ஊழியஞ்செய்வதேயன்றி, வேறொரு சேவகமும் செய்யவேண்டியதில்லை; இப்படி லேவியர் செய்யவேண்டிய வேலைகளைக்குறித்துத் திட்டம்பண்ணக்கடவாய் என்றார்.
📖 எண்ணாகமம்All 36 chapters of this book
📚 Whole Bible66 books • 1,189 chapters
💻 Church SoftwareOffline Bible + 16,337 songs — free
🎵 Tamil Christian Songs16,337 lyrics & chords
Translation: Tamil Old Version (BSI) — 1957, and the World English Bible (public domain).