NITHYAM SONGSI நாளாகமம் 14
Tamil Bible (BSI 1957) • 17 verses
1தீருவின் ராஜாவாகிய ஈராம் தாவீதினிடத்தில் ஸ்தானாபதிகளையும், அவனுக்கு ஒரு வீட்டைக் கட்டுகிறதற்குக் கேதுரு மரங்களையும், தச்சரையும், கல்தச்சரையும் அனுப்பினான்.
Relatedஎஸ்றா 3:7 · II நாளாகமம் 2:3 · II சாமுவேல் 5:11-16 · எரேமியா 22:13-15 · I இராஜாக்கள் 5:6 · I நாளாகமம் 22:2
2கர்த்தர் தன்னை இஸ்ரவேலின்மேல் ராஜாவாகத் திடப்படுத்தி, இஸ்ரவேல் என்னும் தம்முடைய ஜனத்தினிமித்தம் தன்னுடைய ராஜ்யத்தை மிகவும் உயர்த்தினார் என்று தாவீது அறிந்துகொண்டான்.
Relatedசங்கீதம் 89:20-37 · எண்ணாகமம் 24:7 · தானியேல் 2:30 · II நாளாகமம் 2:11 · II சாமுவேல் 7:16 · எஸ்தர் 4:14
3எருசலேமிலே தாவீது பின்னும் அநேக ஸ்திரீகளை விவாகம்பண்ணி, பின்னும் குமாரரையும் குமாரத்திகளையும் பெற்றான்.
Relatedபிரசங்கி 7:26-29 · நீதிமொழிகள் 5:18-19 · I இராஜாக்கள் 11:3 · உபாகமம் 17:17 · பிரசங்கி 9:9 · மத்தேயு 19:4-5
4எருசலேமிலே அவனுக்குப் பிறந்த குமாரரின் நாமங்களாவன: சம்முவா, சோபாப், நாத்தான், சாலொமோன்,
RelatedI நாளாகமம் 3:5-9 · I இராஜாக்கள் 3:5-11 · II சாமுவேல் 12:1 · லூக்கா 3:31 · I நாளாகமம் 28:5-6 · I இராஜாக்கள் 3:3
5இப்கார், எலிசூவா, எல்பெலேத்,
6நோகா, நெப்பேக், யப்பியா,
7எலிஷாமா, பெலியாதா, எலிப்பெலேத் என்பவைகள்.
8தாவீது சமஸ்த இஸ்ரவேலின்மேலும் ராஜாவாக அபிஷேகம்பண்ணப்பட்டதைப் பெலிஸ்தர் கேள்விப்பட்டபோது, பெலிஸ்தர் எல்லாரும் தாவீதைத் தேடும்படி வந்தார்கள்; அதைத் தாவீது கேட்டபோது அவர்களுக்கு விரோதமாகப் புறப்பட்டான்.
RelatedI சாமுவேல் 21:11 · வெளிப்படுத்தின விசேஷம் 11:15-18 · II சாமுவேல் 5:3 · சங்கீதம் 2:1-6 · I நாளாகமம் 11:3 · II சாமுவேல் 5:17-25
9பெலிஸ்தர் வந்து ரெப்பாயீம் பள்ளத்தாக்கிலே பரவியிருந்தார்கள்.
10பெலிஸ்தருக்கு விரோதமாகப் போகலாமா, அவர்களை என் கையில் ஒப்புக்கொடுப்பீரா என்று தாவீது தேவனைக் கேட்டபோது, கர்த்தர்: போ, அவர்களை உன் கையில் ஒப்புக்கொடுப்பேன் என்றார்.
Relatedநீதிமொழிகள் 3:6 · I நாளாகமம் 14:14 · II சாமுவேல் 5:19 · II சாமுவேல் 2:1 · I நாளாகமம் 13:3 · I சாமுவேல் 23:9-12
11அவர்கள் பாகால்பிராசீமுக்கு வந்தபோது, தாவீது அங்கே அவர்களை முறிய அடித்து: தண்ணீர்கள் உடைந்தோடுகிறதுபோல, தேவன் என் கையினால் என் சத்துருக்களை உடைந்தோடப்பண்ணினார் என்றான்; அதினிமித்தம் அந்த ஸ்தலத்திற்குப் பாகால்பிராசீம் என்னும் பேரிட்டார்கள்.
Relatedஏசாயா 28:21 · மத்தேயு 7:27 · சங்கீதம் 144:10 · யாத்திராகமம் 14:28 · II சாமுவேல் 5:20 · சங்கீதம் 144:1
12அங்கே அவர்கள் தங்கள் தெய்வங்களைவிட்டு ஓடிப்போனார்கள்; தாவீது கற்பித்தபடி அவைகள் அக்கினியாலே சுட்டெரிக்கப்பட்டன.
Relatedயாத்திராகமம் 32:20 · II இராஜாக்கள் 19:18 · உபாகமம் 7:25 · I சாமுவேல் 5:2-6 · உபாகமம் 7:5 · யாத்திராகமம் 12:12
13பெலிஸ்தர் மறுபடியும் வந்து அந்தப் பள்ளத்தாக்கிலே இறங்கினார்கள்.
14அப்பொழுது தாவீது திரும்ப தேவனிடத்தில் விசாரித்ததற்கு, தேவன் நீ அவர்களுக்குப் பின்னாலே போகாமல், அவர்களுக்குப் பக்கமாய்ச் சுற்றி, முசுக்கட்டைச் செடிகளுக்கு எதிரேயிருந்து, அவர்கள்மேல் பாய்ந்து,
15முசுக்கட்டைச் செடிகளின் நுனிகளிலே செல்லுகிற இரைச்சலை நீ கேட்கும்போது, யுத்தத்திற்குப் புறப்படு; பெலிஸ்தரின் பாளயத்தை முறிய அடிக்க, தேவன் உனக்கு முன்னே புறப்பட்டிருப்பார் என்றார்.
Relatedஏசாயா 13:4 · அப்போஸ்தலருடைய நடபடிகள் 2:2 · ஏசாயா 45:1-2 · மீகா 2:12-13 · பிலிப்பியர் 2:12-13 · II இராஜாக்கள் 19:7
16தேவன் தனக்குக் கற்பித்தபடியே தாவீது செய்தபோது, பெலிஸ்தரின் இராணுவத்தைக் கிபியோன் துவக்கிக் காசேர்மட்டும் முறிய அடித்தார்கள்.
Relatedயோவான் 15:14 · யோவான் 13:17 · ஆதியாகமம் 6:22 · யாத்திராகமம் 39:42-43 · II சாமுவேல் 5:25 · யோசுவா 16:10
17அப்படியே தாவீதின் கீர்த்தி சகல தேசங்களிலும் பிரசித்தமாகி, அவனுக்குப் பயப்படுகிற பயத்தைக் கர்த்தர் சகல ஜாதிகளின்மேலும் வரப்பண்ணினார்.
Relatedஉபாகமம் 2:25 · யோசுவா 6:27 · யாத்திராகமம் 15:14-16 · சங்கீதம் 18:44 · II நாளாகமம் 26:8 · உபாகமம் 11:25
📖 I நாளாகமம்All 29 chapters of this book
📚 Whole Bible66 books • 1,189 chapters
💻 Church SoftwareOffline Bible + 16,337 songs — free
🎵 Tamil Christian Songs16,337 lyrics & chords
Translation: Tamil Old Version (BSI) — 1957, and the World English Bible (public domain).