துதி துதி என் மனமே

துதி துதி என் மனமே 
துதிகளின் உன்னதனை (2)

தூத கணங்கள் வாழ்த்திப் புகழ்ந்திடும் 
வானவர்; இயேசுவின் நாமமதை (2)

பாவமாம் காரிருள் சூழ்ந்திடும் வேளை
இரட்சிக்க தீபமாய் வந்தார்; (2) 
அற்புதமாய் நம்மை நடத்திடும் 
இயேசு அன்பரின் காயங்கள் கண்டே (2)

கல்வாரியில் அன்று சிந்தின ரத்தம்
கழுவிடும் பாவங்களை (2) 
கண்ணீரைத் துடைக்கும் அவரது 
அன்பு கல்மனம் கரைத்திடுமே (2)

சீக்கிரமாய் இதோ வருகிறேன் என்றவர்;
சீக்கிரம்  வந்திடுவார்;  (2)
உன்னத தேவனின் மகிமையைக் காண 
உள்ளமும் ஏங்கிடுதே (2)