அல்லேலூயா அல்லேலூயா என் ஆத்துமாவே

அல்லேலூயா! அல்லேலூயா!
என் ஆத்துமாவே! கர்த்தரைத் துதி!! (2)

1.நான் உயிரோடு இருக்கும் மட்டும்
என் தேவனை துதிப்பேனே
நான் உள்ளளவும் என் இயேசுவையே
கீர்த்தனம் பண்ணிடுவேன்- அல்லேலூயா

2.நான் மனிதனை என்றும் நம்பிடேன்
அவன் யோசனை அழிந்திடுமே
யாக்கோபின் தேவன் என் துணையே
என்றென்றும் பாக்கியவான்- அல்லேலூயா

3.என் ஆத்தும தாகம் பெருக
என் கட்டுகள் அறுந்திடுமே
கர்த்தரின் கரம் என்னைக் காத்திடுமே
என்றென்றும் வாழ்ந்திடுவேன்- அல்லேலூயா

4.கர்த்தர் சதா காலமும்
சீயோனில் அரசாளுவார்
தலைமுறை தலைமுறையாய் அவரே
இராஜரீகம் பண்ணிடுவார்- அல்லேலூயா