இரத்தம் சிந்தி நம்மை அவர்

இரத்தம் சிந்தி நம்மை அவர்
முத்தி சேர்க்கப் பிறந்தார்.

நித்தம் அவரோடு வாழச்சத்ய வழி திறந்தார்
கர்த்தரே தம் பக்தர் பாவம் மறந்தார்.- இரத்தம்

1. மோசத்துக்குள்ளான என்னை யேசு
  சுவாமி பார்த்தார்; நாசத்திருந் தோடி
  வந்த நீசனையே சேர்த்தார்;
  நேச மீட்பர் பாசமாகக் காத்தார் காத்தார்.

2. கெஞ்சி வந்த பாவிகட்காய்த் தஞ்சமாக
  நின்றார்; மிஞ்சி மோசஞ் செய்யும் அந்த
  வஞ்சப்பேயைக் கொன்றார்; கொஞ்சமுமே
  அஞ்சிடாமல் வென்றார் வென்றார்.

3. பொன்னுலகத் தின்பங்களை என்னுள்ளத்தில்
  தந்தார்; தன்னுடன் நற்பங்கு பெற மன்னர்
  என் மேல் உகந்தார்; சின்னப்பட
  இந்நிலத்தில் வந்தார் வந்தார்.