மாமனோகரா இவ்வாலயம்

மாமனோகரா இவ்வாலயம் வந்தருள் கூரும்
மாமனோகரா பராபரா

பூமியாளும் நாதனே நரர்
போகம் நாடும் நீதனே
நாமே வாழ்த்தும் தாசர் நடுவில்
தாமதம் இல்லாமல் எழுந்தருள் - மா

நாதனே, இவ்வாலயத்தை
நலமாய்த் தந்தாய் தாசர்க்கே
பாதம் போற்றி வாழ்த்துவோம் குரு
பரனே, பராபரா, தினம் - மா

நின் திருத்தயை பொறுமை
நின் திரு மகிமையும்
சந்தமாய் நிறைந்திட இதில்
சந்ததம் ஈவாய் நின் ஆசியை - மா

தோத்திரம் ஜெபம் தியானம்
தூய்மையாம் பிரசங்கமும்
பார்த்திபா இவ்வாலயத்தில்
பக்தியாகவே நடந்திட - மா

நீதி ஞாயம் தெய்வபக்தி
நேர்மைபேதத் தியானமும்
நாதனில் விஸ்வா சமும் மிஞ்சி
நன்கு போற்ற தாசர்க்கருள் புரி - மா