பரம வைத்தியா அருமை ரட்சகனே

பரம வைத்தியா அருமை ரட்சகனே பிணிதீர்க்கும்
வைத்தியப் பிணியினை ஆசிர்வதியும் ஐயனே

பிணியாளிக்கு நம்பிக்கை தாருமே 
மருந்தோடே உமது
பேரதிசய கிருபை கூருமே - பரம

உள்ளக் கனிவோடுழைக்கும் வைத்தியர்க்கும் 
அவருடன் துணைநின்று
உதவும் தொண்டர்கள் யாவர்க்கும் இரங்கும் - பரம

சயமும் சுரமும் பயமுறுத்துமே 
இதைத் தடுத்திடக் கொடை
தரும் பெரியோரைப் பெருகச் செய்யுமே - பரம

அரிய நூதன முறைகள் காணவே
ஆராய்ச்சிகள் செய்யும்
அறிஞரால் புதுவழிகள் தோன்றவே - பரம

ஜெபத்தைக் கேட்கிற தேவன் நீரல்லவா
எங்கள் ஜெபத்தினால் சுகம்
ஜெகத்தில் பரம்பச் செய்யும் வல்லவா - பரம