நலமானது ஒன்றைக்

நலமானது ஒன்றைக் கொண்டேன்
அது தேவனைத் துதிப்பதே
அவர் நெருக்கத்தை நீக்கியே
இரட்சித்து செவி கொடுப்பார்

1.நான் கர்த்தரில் பாரத்தை வைத்தே
அவர் ஆதரிப்பார் என்பேன்
நம்பின தேவனால் பயப்படேன்
மனுஷன் எனக்கு என்ன செய்வான்?- நலமானது

2.நான் பரிசுத்த அலங்காரம் தரித்தே
என் கர்த்தரைத் தொழுது கொள்வேன்
வல்லமை மகத்துவம் ருசிப்பேன்
மனுஷன் கோபம் என்ன செய்யும்?- நலமானது

3.நான் கர்த்தரின் சந்நிதி முன் வந்தே
சத்தமாய் பாடி ஆராதிப்பேன்
துதித்து ஸ்தோத்திரம் செலுத்துவேன்
மனுஷர் கூட்டம் என்ன செய்யும்?- நலமானது

4.நான் இயேசுவில் மகிழ்ந்து நின்றே
கர்த்தரை கண்ணோக்கிப் பார்ப்பேன்
நம் நடுவில் இயேசுவைப் புகழ்வேன்
மனுஷன் சீற்றம் என்ன செய்யும்?- நலமானது