என் தேவனே என் அன்பனே

என் தேவனே என் அன்பனே
வந்திடுவீர் வல்லமையாய்
ஆசீர்வாத நிறைவுடன்
அன்பே என்மேல் இறங்கிடும்

1.  இரண்டோ மூன்றோபேர்கள் எங்கே
உண்டோ அங்கே நானிருப்பேன்
என்றுரைத்த வாக்குப்படி
இன்று எம்மைச் சந்தித்திடும்

2.  கல்வாரியில் ஜீவன் தந்த
எங்கள் தேவா யேசு நாதா
எங்களுள்ளம் உந்தன்பால்
நிறைந்தும்மை துதித்திட

3.  அந்தோ ஜனம் பாவங்களால்
நொந்து மனம் வாடுதையோ
இன்ப முகம் கண்டால் போதும்
இருள் நீங்கி ஒளி காண்பார்

4.  ஆதரவாய் அன்றும் கரம்
நீட்டி சுகம் ஈந்த தேவா
ஆவலுடன் வந்தோர் பிணி
யாவும் தீரும் அருள் நாதா

5.  ஆதி அன்பால் தேவ ஜனம்
தாவி மனம் மகிழ்ந்திட
ஆவி ஆத்மா சரீரமும்
பரிசுத்தம் அடைந்திட

6.  ஆவலுடன் உம் வரவை
எதிர் நோக்கிக் காத்திருக்க
ஆவி வரம் யாவும் பெற்று
நிறைவுடன் இலங்கிட