என்னை ஒருபோதும்

என்னை ஒருபோதும் மறவா நேசரே
என்றும் உம்மைப் பாடுவேன்
நன்றிகள் சொல்லுவேன்

ஆராதிப்பேன் ஆராதிப்பேன்
ஆயுளெல்லாம் ஆராதிப்பேன்
என் நேசரே எனது பிரியம் நீர்தானைய்யா

பாவியாக வாழ்ந்த என்னையும் – உம்
பிள்ளையாக மாற்றினீரைய்யா
இழுத்துக்கொண்டீர் என்னையும் உந்தன் அன்பால்
பற்றிக்கொள்வேன் ஆயுளெல்லாம் உம்மை என்றும்

நம்பினோரின் நேசங்களெல்லாம்
நடுவழியில் மறைந்து போனதே
உமது அன்போ கொஞ்சமும் மாறவில்லையே
உமது பாசம் என்னை விட்டு விலகவில்லையே

நிந்தனைகள் அவமானங்கள்
நித்தம் என்னை சூழ்ந்து கொள்கையில்
எனது உள்ளம் என்றுமே சோர்வதில்லையே
எனது முகம் வெட்கப்பட்டு போவதில்லையே