கனிவான உந்தன் அன்பிலே

கனிவான உந்தன் அன்பிலே
நான் மகிழ்வேன் என் இயேசுவே
இனிமையான உம் வார்த்தையில்
நான் உருகிப்போவேன் என் தேவனே-2

என் மனதில் நிறைவான உம்மை
போற்றிடுவேன் என் இயேசுவே-2-கனிவான

1.திரளான செல்வம் பெரும் புகழை விடவும்
அதிசயமானது உம் நாமமே
இனிக்கும் தேனின் ஊற்றை விடவும்
மதுரமானது உம் நாமமே-2

சமர்ப்பணமோடு உம் அருகில் நின்று
நிரந்தரம் உம்மை ஆராதிப்பேன்-2-கனிவான

2.சோர்ந்து போன என் வாழ்விலே
ஒளியான உம்மை உயர்த்துவேன் நான்
கண்ணீரினால் உம் பாதங்கள் கழுவி
மனதார உம்மை துதித்திடுவேன்

உம் கிருபையால் முடிந்ததை மறந்து
மறுபடி உம்மில் செழிப்பாவேன்-2-கனிவான