வேதமே என்ன சொல்லுவேன்

வேதமே என்ன சொல்லுவேன்?-நின் மாட்சியை

சேத மிலாது நன்னாதர் தம் அருள் திருப்
பாதமுறும் நெறி யோது மொரே சத்ய. – வேத

கண்முன் நீ எழுந்தானால் கரையிலா ஞானம்
காந்தி நற்பனிமழை கசிந்திடும் வானம்
புண் மனமுடையோர்க்குப் புகழருந் தானம்
புசித்திடக் கசித்திடருசித்திடும் பானம். – வேத

சிறியவர் பெரியவர் செல்வர்கள் வலியார்
தீரர்கள் வீரர்கள் சீரியர் எளியார்
அறிஞர்கள் அல்லவர் ஆடவர் மெலியார்
அனைவரும் அருந்திட அருந்திடச் சலியார். – வேத

கனபல மருளுவாய் தினந்தினங் காலை
களைப்பினைப் போக்குவாய் களைப்புறு மாலை
தினமென திதயமே திருத்தலுன் வேலை
செப்பருங் கனிதருங் கற்பகச் சோலை. – வேத

அகமுறு மானைகள் விழுந்து தள்ளாடும்
அருள்நதி ஆடுகள் நடந்துனி லோடும்
தகவுனின் கரைகளில் குருவிகள் கூடும்
தருக்கள் செழித்திருக்கும் தாசர்கள் நாடும்.- வேத

பொன் அபரஞ்சியிலும் உன்விலை பெரிதே!
பூவுலகினிலுனக் குவமைக ளரிதே
நின்னை யசட்டை செய்வோர் நிலைமிக வறிதே!
நின்படிப் பறியாதோர் கல்விமா சிறிதே!. – வேத

இருபுறங் கருக்குவாள் தனிலும் நீ கூரே!
இகபரம் ரண்டிற்கும் உன்வழி நேரே!
கிருபை எத்தனமுனக் கேற்ற நற்பேரே!
கிறிஸ்துவின் அருள்தனை எனக்கு நீ வாரே!. – வேத

Vaedhamae Enna Solluvaen?-nin Maatsiyai

Saedha Milaathu Nannaadhar Tham Arul Thirup
Paadhamurum Neri Yothu Morae Sathya. – Vaedha

Kanmun Nee Ezhunthaanaal Karaiyilaa Njaanam
Kaanthi Narpanimazhai Kasinthitum Vaanam
Pun Manamutaiyorkkup Pugazharun Thaanam
Pusitthidak Kasitthidarusitthitum Paanam. – Vaedha

Siriyavar Periyavar Selvarkal Valiyaar
Theerarkal Veerarkal Seeriyar Eliyaar
Arinjarkal Allavar Aadavar Meliyaar
Anaivarum Arunthida Arunthidach Saliyaar. – Vaedha

Kanapala Maruluvaay Thinanthinang Kaalai
Kalaippinaip Pokkuvaay Kalaippuru Maalai
Thinamena Thidhayamae Thirutthalun Vaelai
Sepparung Kanidharung Karpakach Solai. – Vaedha

Agamuru Maanaigal Vizhunthu Thallaatum
Arulnathi Aatugal Natanthuni Lotum
Thakavunin Karaigalil Kuruvigal Kootum
Tharukkal Sezhitthirukkum Thaasarkal Naatum.- Vaedha

Pon Abaranjsiyilum Unvilai Perithae!
Poovulakinilunak Kuvamaiga Larithae
Ninnai Yasattai Seyvor Nilaimiga Varithae!
Ninbatip Pariyaathor Kalvimaa Sirithae!. – Vaedha

Irupurang Karukkuvaal Thanilum Nee Koorae!
Igaparam Rantirkum Unvazhi Naerae!
Kirupai Etthanamunak Kaertra Narpaerae!
Kiristhuvin Arulthanai Enakku Nee Vaarae!. – Vaedha