கைதட்டி பாடியே

கைதட்டி பாடியே கொண்டாடுவோம் 
விண்ணவர் இயேசுவை பாடிடுவோம் 
ஆவியில் நிறைந்தே கொண்டாடுவோம் 
ஆனந்தமாக ஆர்ப்பரிப்போம் -2

ஆராதனை செய்குவோம் 
ஆனந்த துதி ஒலிக்க 
அல்லேலூயா பாடுவோம் 
என்னாளும் கொண்டாடுவோம்

1. மன்னவன் இயேசுவை 
மகிழ்வுடனே மகிழ்ந்து பாடிடுவோம் -2
ஆர்ப்பரித்தே நாம் அன்பரை பாடி
உன்னத தேவனை பணிந்திடுவோம் -2 

2. இம்மட்டும் நடத்தின 
தேவனையே துதித்து பாடிடுவோம் -2
இன்னல்கள் நீக்கி துன்பங்கள் மாற்றிய 
இனிய இயேசுவை கொண்டாடுவோம் -2

3. ஊழிய பாதையில் நடத்தினவர் 
இனியும் நடத்திடுவார் -2
நன்மையும் கிருபையும் பின்தொடர்ந்திடுமே 
நன்றியின் நிறைவுடன் கொண்டாடுவோம் -2