நன்றியால் பாடிடுவேன்

நன்றியால் பாடிடுவேன் - கர்த்தர் 
நன்மைகள் செய்ததினால்

ஜனத்தின் நடுவினிலே என்னை
மனதார உயர்த்தி வைத்தார் 
கணக்கில்லா நன்மைகள் செய்தார் - என்றும்
கருத்துடன் பாடிடுவேன்

வழியிலே பயம் நீக்கினார் - என்னை 
குழியிலே கரம் எடுத்தார்
பழி என்னில் வந்தபோதும் - இயேசு 
அழியாமல் பாதுகாத்தார்

வலப்பக்கம் ஆயிரமும் என் 
இடபக்கம் பதினாயிரம் 
வந்தாலும் பயமுமில்லை - எனக்கு
இதுவரை சேதம் இல்லை 

வியாதியை குணமாக்கினார் - எந்தன் 
நோய்களை நீங்கச் செய்தார்
பாவங்கள் ஓடச் செய்தார் - எனக்கு 
பரிசுத்த வாழ்வைச் தந்தார்

வெற்றிக் கொடி பிடிப்பேன் - நான் 
வெண்ணங்கி தரித்திடுவேன் 
சுத்தர் நடுவினிலே - நான்
துதிச் சொல்லி பாடிடுவேன்