யார் உன்னை மறந்தாலும்

யார் உன்னை மறந்தாலும்
இயேசு உன்னை மறப்பதில்லை - உன் 
தந்தை தாயும் மறந்தாலும்
இயேசு  உன்னை  மறப்பதில்லை  -யார்

துன்பம் துயரங்கள் வாழ்வில் 
வந்தாலும் துளியும் பயமில்லையே
நிந்தை நாள்தோறும் நெருங்கி வந்தாலும் 
இதயத்தில் கலக்கம் இல்லை
உன் கண்ணீர் களிப்பாக மாறுமே உன்
கவலை எல்லாமே தீருமே நம் 
இயேசுவின் நாமத்திலே - யார்

பாடு பெலவீனம் எதுவும் 
வந்தாலும் விடுதலை தந்திடுவார்
மனதில் பாரங்கள் நெருக்கும் 
வேளையில் வேண்டுதல் கேட்டிடுவார்
உன் தோல்வி ஜெயமாக மாறுமே 
உன் வாழ்வு சந்தோஷமாகுமே 
நம் இயேசுவின் நாமத்திலே - யார்

நமது எதிர்காலம் நேசர் 
இயேசுவின் கரங்களில் இருக்கிறது 
மனது  தேவனின்  தூய  ஆவியால் 
மகிழ்ந்தே  துதிக்கிறது
இனி வாதை நம் வாழ்வில் இல்லையே நாம் 
பயந்து வாழ்வதும் இல்லையே 
நம் இயேசுவின் நாமத்திலே - யார்