உமது சமூகம் வரும்போதெல்லாம்

உமது சமூகம் வரும்போதெல்லாம் 
என் உள்ளமெல்லாம் மகிழுதைய்யா 
நன்றி என்று சொல்லுதைய்யா - என் 
நம்பிக்கையும் பெருகுதைய்யா

1. பாவியாக (பிறந்து) இருந்த என்னை 
பாசத்துடன் தேடிவந்து 
இரத்தத்தாலே மீட்டுக்கொண்டீரே - உந்தன் 
இரட்சிப்பினால் அலங்கரித்தீரே 
நன்றி.... உமக்கு நன்றி - 2

2. உள்ளம் உடைந்து அழுதபோது 
உருக்கமாக அருகில் வந்து 
அன்பினாலே அணைத்துக்கொண்டீரே - என்னில் 
ஆறுதலை பெருகச்செய்தீரே 
நன்றி..... உமக்கு நன்றி - 2

3. தனிமை என்னை தாக்கும் நேரம் 
தள்ளாடி நடந்தவேளை 
தோள்மீது சுமந்துவந்தீரே - என் 
துணையாக (நிழலாக) மாறிவிட்டீரே 
நன்றி.... உமக்கு நன்றி - 2

4. கவலை கண்ணீர் பெருகும் போது 
காரிருளும் சூழ்ந்தபோது 
வெளிச்சமாக அருகில் வந்தீரே - என்னில் 
விசுவாசம் பெருகச்செய்தீரே 
நன்றி.... உமக்கு நன்றி - 2