உண்டு பண்ண தெய்வம்

உண்டு பண்ண தெய்வம் இங்கு 
உயிரோடு இருக்கையிலே 
கண்டதெல்லாம் கடவுளாகுமா 
வண்டு போல மலர் தேனை
உண்டு ருசிக்க தெரியாமல் 
மண்டுகமாய் மாறலாமா - நண்பா 
வீணாக அழியலாமா

பானையில் அரிசியுண்டு 
பருப்பு நெய் பாலுண்டு 
பசிக்குதென்று சொல்லாமா 
ஆலையுண்டு கரும்பு உண்டு 
ஆட்டு வகை அறிந்திருந்தும் 
வெல்லத்துக்கு விலை கொடுப்பாரா - நண்பா 
வீணாக செலவழிப்பாரா உண்டு

ஊசி முனை மேலேறி 
நாசியை அடைத்து நின்றால் 
மோட்சம் போக வழியேதய்யா 
தேசம் முழுதுமுள்ள சேத்திரங்கள் சென்றாலும் 
உன் ஜீவன் பிழைத்திடுமா 
நீ சேருமிடம் அறிவாயோ