கடைசி காலம் இது

கடைசி காலம் இது
கவனம் வேண்டும் நண்பா
கண்ணாமூச்சு காட்டி கழுத்தறுக்கும் கூட்டம்
எதுவென்று கண்டுபிடி நண்பா
இயேசுவுக்காய் மரித்திட ஆயத்தமா - பர
லோகத்திலே - பலன் பெருவாய் நீ நிச்சயமா

தாவீதைப்போல நடனமாடுவோர்
தடுமாறும் காலமிது - நான்
செத்தாலும் சாவேன் எஸ்தரை போலவே
என் ஜனம் மீட்புறவே

இது சாவைக்கண்டு அஞ்சாத கூட்டம்
சரித்திரம் படைத்திட துடிக்கும் - நம்
இயேசுவைப் போல சிலுவை சுமக்கும்
சீயோனின் சிங்காரத் தோட்டம்

இளையோர் முதியோர் ஆண் பெண் யாருக்கும்
இனி வரும் பலன் மேல் நோக்கம் - இந்த
உலகத்தை வெறுப்போம் உபத்திரவம் சகிப்போம்
இடுக்கமான வழி நடப்போம்