உம்மை பாடும் வரம்

உம்மை பாடும் வரம் தாருமே - தேவா
எந்தனடி பிறழாமல்
உந்தன் மலரடி பணிந்தேன் - உமை

1. வானமடங்காத வான் பொருளே
வானவர் வாழ்த்திடும் என்னரசே
தவமின்றி நான் பெற்ற நல்வரமே
தாயே தமிழே துதியிசை மலர் சூடி
நிசநிச மபதப ரிகமரி நிநிச

2. கருவினில் எனைக் கண்ட காருண்யமே - உந்தன்
கிருபையின் கரங்கள் என்னை அனைத்திடுமே
திருமறை தெளித்தேன் என்றும் இனித்திடுமே
வரம் தரும் வளம் தரும் வாழ்விலென் துணையாகும் -உமை

3. இனி வரும் பலன் நோக்கி ஓடிடவே - கொடும்
மரண பயம் நீங்கி மகிழ்வுறவே
பூரண சீயோனின் கீதங்களால்
தினம் தினம் மலர்பதம் தழுவியென் கரம் கூப்பி -உமை

4. ஆயிரமாயிரம் தூதருடன்
அகமகிழ்வேன் மணவாளனுடன்
பேரின்ப கீதங்கள் என் நாவினிலே
ஸ்வரங்களின் மலர் சரம் ஆயிரம் தினம் சூட்டி - உமை