அருளும் திறந்தருளும்

அருளும் திறந்தருளும்
கண்களை திறந்தருளும்
வேத மகத்துவ ஆழம் அறிந்திட
தேவ திரித்துவம் ஞானம் உணர்ந்திட
திறந்திடும் மன கண்கள் எனக்கில்லையே - அதினால்

1. எதிரிகள் சூழ்ந்தென்னை நெருக்கையிலே - மனம்
பதறியழுது தினம் புலம்புகிறேன்
தேவனின் சேனைகள் சூழ்ந்தென்னை காப்பதை
காண்கின்ற கண்களும் எனக்கில்லையே - அதினால்

2. வறண்ட வனாந்திரம் தொடர்ந்திடுதே - சிறு
துருத்தியும் நீரின்றி உருண்டிடுதே
பிள்ளையின் அழுகுரல் ஆண்டவர் கேட்டிட
இச்சை நீர் சுணையொன்று தென்படவே - எனக்கு

3. உதிரத்தினால் பாவ களிம்பகற்றி - வெறும்
பதர் என அலைந்த என் துயர் விலக்கி
கதிர்மணியாக்கி தம் களஞ்சியம் சேர்த்திடும்
கற்பகமே தற்பரனே - அற்புதனே உமை - காண

4. வழியருகேயமர்ந்த வறியவன் போல் - இரு
விழிகளும் இழந்துளம் உடைந்ததினால்
கதிரொளி கண்டபின் மறைந்திடும் பனித்துளி
மறைவதைப் போலெந்தன் அகத்திரை - திறந்திட