சந்தோஷமாய் இயேசுவண்டை

சந்தோஷமாய் இயேசுவண்டை ஓடிவா நீ
ஓ! பாவியே - இந்நேரமே

1. ஆவலுடன் மேவிடுமே - ஆனந்தம்
ராஜன் இயேசு மீட்பார்
வருந்தி அழைக்கிறார் உன்னையே - சந்

2. சஞ்சலத்தால் நெஞ்சம் நொந்து - தோழனே
தாங்கிடுவார் தயவுடன்
தருண மீதுதான் வாராயோ - சந்

3. பாவ உலகம் மாயமாம் - நம்பாதே
பாவம் நீங்க பாரிலே
இயேசுவைப் போல் யாருமே இல்லையே - சந்

4. பாவம் அவர் தோளில் அன்று - சுமந்தார்
பாவமும் உன் ரோகமும்
சாபமும் அகற்றியே நீக்கினார் - சந்

5. எப்போ திரும்புவாய் என்றவர் - ஏங்குகிறார்
காத்திடவே கருணையால்
கரங்கள் விரித்தவர் நிற்கிறார் - சந்

6. அழிவின் பாதை விரைந்தே ஏகும் - மைந்தன்
ஜீவ பாதை சேர்ந்திட
உருகிய மனதாய் அழைக்கிறார் - சந்

7. வாஞ்சையுடன் வந்திடாயோ - நண்பனே
மோட்ச இன்பம் பெற்றுமே
நீடூழி காலம் வாழ்வாய் - சந்