பாடல்பாடி மகிழ்வேனே

பாடல்பாடி மகிழ்வேனே துதி அல்லேலூயா!
பாவி என்னை மீட்டாரே துதி அல்லேலூயா!
பாரில் வந்தாரே, தந்தாரே, அன்பால் மீட்டாரே
பரிசுத்தரை நித்தியரை பாடி போற்றுவேன்

அல்லேலூயா பாடுவேன் நான் - 4

மகிமையின் இராஜா அவர், மகத்துவம் நிறைந்தவர்
மனமெல்லாம் நிறையுதே, மகிழ்ச்சியில் சிலிர்க்குதே

கனிவான மேய்ப்பனவர், கண்மணிபோல் காப்பாரவர்
கீதங்களால் ஆராதிப்பேன், ஐக்கியத்தில் ஆனந்திப்பேன்

நீதியுள்ள நீதிபரர், மேகமீதில் வந்திடுவார்
நித்யானந்த வாழ்வினையே எனக்காக தந்திடுவார்,