இறைவன் நீயே

இறைவன் நீயே - எளியனுக் கிரங்குவாயே.

மறை விளக்கி இந்நரரை மீட்க, - இம்
மானுவேல் எனும் நாமம் மேவியே,
தரையில் வந்தவ தரித்த ஏழைகள்
தாதா, ஏசுநாதா, என். - இறை

1.அண்டர்கள் போற்றும் விண்ணோனே, - எங்கள்
ஆதரவாய் உற்ற கோனே, - நல்ல
தொண்டர்களுக் கருள் புரியும் நன் மனத்	
தூயா, அன்பர் நேயா, என் - இறை

2.நன்று திகழ் பெரியோனே, - திவ்ய
ஞானம் எனும் பெயரோனே, - இயல்
அன்றும் இன்றும் என்றும் ஒன்றுபோல உறும்
ஐயா, ஒளிர் மெய்யா, என். - இறை

3.எங்கும் நிறைந்த வல்லோனே, 
அன்பர்க் கின்பு செய்கின்ற நல்லோனே, - மிக
இங்கிதமாய் உனை ஏத்தித் தொழ அருள்
ஈவாய்; க்ருபை ஆவாய்; என். - இறை